Kniharnia «Łohvinaŭ» (pr.Niezaležnaści, 37a). 19:00.
«Hramatyka śniehu» — piataja paetyčnaja knižka Volhi, jakaja vyjšła ŭ lutym 2017 h. u vydaviectvie «Halijafy».
Śnieh, realny i mietafizičny, paezija i sama aŭtarka stanuć asnoŭnymi temami razmovy, da jakoj taksama dałučacca Valancina Aksak, Viktar Žybul, Volha Babkova i Valancin Akudovič. Maderatar — Vital Kraŭčanka.
Novaja kniha Volhi Hapiejevaj pašyraje miežy ŭśviedamleńnia štodzionnaści, dzie słovy i značeńni ŭhladajucca adno ŭ adno ŭ nadziei paźbiehnuć samoty. Heta svojeasablivaja hramatyka ŭzajemin čałavieka z suśvietam praz movu. Simvaličnaść śniehu, jakaja pranizvaje knihu naskroź, vyklikaje biaźmiežnaść interpretacyj paezii Volhi Hapiejevaj.
Uvachod volny
* * *
Volha Hapiejeva — paetka, piśmieńnica, myślarka, pierakładčyca, linhvistka. Aŭtarka knih «Niaholeny ranak», «Prysak i požnia», «Rekanstrukcyja nieba», «Sumny sup» i inš. Stypiendyjatka mižnarodnych prahram dla piśmieńnikaŭ i pierakładčykaŭ (Aŭstryja, Niamieččyna, Łatvija, Šviejcaryja), udzielnica šmatlikich mižnarodnych kanfierencyj i litaraturnych fiestyvalaŭ (Słavienija, Hiermanija, Čechija, Šviejcaryja, Polšča i inš.).
Tvory Volhi Hapiejevaj pierakładzienyja na bolš jak 10 movaŭ śvietu. Aŭtarka supracoŭničaje z elektronnymi muzykami, vystupaje z aŭdyjovizualnymi pierformansami. Siabra Biełaruskaha PEN-centra i Sajuza biełaruskich piśmieńnikaŭ. Maje stupień kandydata navuk, dacent. Zajmajecca litaraturnym pierakładam, daśledavańniami ŭ halinie fiłasofii movy, kamparatyŭnaj linhvistyki, sacyjałohii cieła.
Sajt — www.hapeyeva.org
Ciapier čytajuć
Daišnik, jakoha źbiŭ mašynaj piensijanier pad Minskam, pamior u balnicy. Jamu zładzili pyšnaje pachavańnie18
Kamientary