Centralnaj temaj numara «Sovietskoj Biełoruśsii» ad 11 krasavika stała «sprava patryjotaŭ» — ludziej, jakich ciapier abvinavačvajuć u padrychtoŭcy da masavych biesparadkaŭ i stvareńni ŭzbrojenych farmiravańniaŭ.
Materyjał vytrymany ŭ abvinavaŭčym styli — moža być, mienavita praz heta ŭ im niekalki razoŭ i roznymi słovami padkreślivajecca, što aŭtary «ničoha nie śćviardžajuć».
«Naša Niva» padabrała TOP-5 cytat ź vializnaha tekstu, jakija padalisia nam vartymi šyrokaj aŭdytoryi.
1. «Darečy, niekatoryja tavaryšy ŭśmichajucca: čamu armaturu zachoŭvali ŭ tajnikach, jaje ž šmat na luboj budoŭli… Jano to tak. Ale budoŭla — heta nienadziejna. I dzie jaje tady zachoŭvać? Pad paduškaj? Nie, u lesie nadziejniej».
2. «Nie, nielha źmianšać rolu prostaj i niahiehłaj armatury. Va ŭmiełych rukach hetaja štuka budzie macniejšaja za Faŭsta Hiote».
3. «Vyvučyŭšy novuju infarmacyju, supastaviŭšy jaje z zajavaj spadaryni A. u Bierlinie, analityki KDB pryjšli da vysnovy: čas «Č» dakładna — 25 sakavika».
4. «Ekśpierty» nachabna abychodziać bajavyja charaktarystyki vyniataj i prademanstravanaj pompavaj strelby. Zbroja, jakaja moža daščentu raźnieści aŭtamabil [havorka pra pompavyja palaŭničyja ružžy] «ekśpiertami» nie zaŭvažajecca».
5. «Žurnalisty, što rychtavali hety materyjał, nie sudździ aryštavanym «lehijanieram». My prosta robim svaju rabotu».
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2828
Kamientary