Andrej Alaksandraŭ: Mnie kazali, što moj los nikoha nie cikavić, ale ja viedaŭ, što heta nie tak
Ułady krain, dzie ŭ źniavoleńni znachodziacca žurnalisty i hramadzianskija aktyvisty, imknucca izalavać ich i prymusić pavieryć, što ich los nikoha nie cikavić.
Pra heta zajaviŭ miedyjamieniedžar, były palitviazień Andrej Alaksandraŭ padčas dyskusii ŭ Osła z łaŭreatami premii Free Media Awards 2026 i 2025 hoda, piša «Pozirk».
«Adrazu paśla majho zatrymańnia, — skazaŭ Alaksandraŭ, — pradstaŭniki pravaachoŭnych orhanaŭ davali mnie zrazumieć: viedajecie, jość lidary pratesnaha ruchu, pra jakich, mahčyma, pakłapociacca na Zachadzie, a vy — nichto, nichto vas nie viedaje, i vy praviedziacie svaje 14 hadoŭ u źniavoleńni. Heta byŭ ich asnoŭny pasył».
Adnak, pavodle słoŭ miedyjamieniedžara, jon «zaŭsiody viedaŭ, što nie samotny», što «viadziecca vielizarnaja praca», kab padtrymać jaho i kalehaŭ za kratami i «ahułam biełaruskich palitviaźniaŭ».
«Tak što my dakładna viedali, što my nie adny. I heta było vielmi važnaje pačućcio salidarnaści i žyvoha čałaviečaha ciapła — viedać toje, što ty nie adzin, što ludzi pamiatajuć, za što ty siadziš. I heta sapraŭdy davała mnie nie prosta nadzieju, a ŭpeŭnienaść, što ŭsio budzie dobra, chaj navat daviadziecca pravieści niejki čas za kratami. Ja viedaŭ, za što ja vystupaju, i hetyja kaštoŭnaści važniejšyja za niejkija asabistyja niahody», — padkreśliŭ Alaksandraŭ.
Andrej Alaksandraŭ byŭ zatrymany ŭ Biełarusi 12 studzienia 2021 hoda razam sa svajoj siabroŭkaj Irynaj Złobinaj. Paźniej jany pabralisia šlubam za kratami.
Andrej byŭ asudžany na 14 hadoŭ kałonii pavodle čatyroch artykułaŭ Kryminalnaha kodeksa. 16 vieraśnia 2026 hoda Alaksandraŭ i Złobina byli vyzvalenyja i vyjechali ŭ Litvu.
Andrej Alaksandraŭ: Za kratami ja viedaŭ, što biełaruskaja žurnalistyka pracuje, i tamu spakojna źbivaŭ paddony
Były palitviazień Andrej Alaksandraŭ atrymaŭ mižnarodnuju premiju
«Ja zrazumieŭ za hetyja šeść hadoŭ, što vielmi ščaślivy čałaviek». Andrej Alaksandraŭ raskazaŭ pra vyzvaleńnie i pieršuju sustreču z žonkaj
U Estonii aryštavany Aleh Maisiejeŭ, kažuć jaho znajomyja. Heta były kiroŭca Cichanoŭskaj, jaki z časam staŭ jaje zaciatym krytykam23
Kamientary