26 červienia «Art Siadziba» ładzić dziasiaty pakaz śpiektakla «Branisłaŭ. Sceny z žyćcia dy snoŭ».
Śpiektakl pryśviečany Branisłavu Taraškieviču, vybitnamu biełaruskamu dziejaču, palityku, piśmieńniku, movaznaŭcu, stvaralniku pieršaha ŭnarmavanaha pravapisa sučasnaj biełaruskaj movy.
Śpiektakl «Branisłaŭ» — heta pieršy śpiektakl «Art Siadziby». Premjera adbyłasia ŭ 2015 hodzie ŭ Minsku na scenie teatra BDU «Na bałkonie». Ale paśla dvuch pakazaŭ śpiektakl byŭ admienieny, faktyčna zabaronieny, i z taho času jahonyja pastanoŭki ładzilisia napaŭpadpolna.
Za čas isnavańnia «Branisłaŭ» naviedaŭ Pružany, Homiel, Vilniu i ciapier znoŭ viartajecca ŭ Minsk. Heta budzie jubilejny, 10-ty pakaz. U pastanoŭcy zadziejničanyja studenty teatralnych univiersitetaŭ, aktory-amatary, ludzi roznych prafiesij. Ale ŭsie jany źviazanyja adnoj idejaj — luboŭju da Biełarusi, da biełaruskaj movy i žadańniem raspavieści pra nieviadomyja epizody biełaruskaj historyi i kultury.
Śpiektakl adbudziecca ŭ kłubie «ILI» (pr. Niezaležnaści, 131, k. 1). Pačatak a 20-j hadzinie.
Zapisacca na śpiektakl možna praz formu i pa telefonie +375296517898.
Uvaha! Kolkaść miescaŭ abmiežavanaja!
Uvachod volny.
Ciapier čytajuć
Babaryka zojmiecca biznesam — užo adkryŭ kampaniju ŭ Hiermanii5
Babaryka zojmiecca biznesam — užo adkryŭ kampaniju ŭ Hiermanii
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu1212
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu12
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
Kamientary