Upadabany mnohimi prajekt «Biełaruskija ŭikendy» pry padtrymcy «Atłant Telekam» i velcom praciahvaje svajo turne pa abłasnych haradach z multfilmam «Maleńki prync». Na hety raz multfilm, źniaty pa matyvach adnajmiennaj apovieści Ekziupiery, pakažuć 1—3 vieraśnia ŭ Mahilovie.
Premjera francuzskaha multfilma pa matyvach ramana Antuana de Sent-Ekziupiery ŭ biełaruskaj ahučcy z ahłušalnym pośpiecham adbyłasia ŭ Minsku, a praź miesiac pakaz z anšłaham prajšoŭ u Hrodnie. Multfilm u kinateatry pahladzieli ŭžo bolš za 3,3 tys. hledačoŭ, a trejler da jaho ŭ sacyjalnych sietkach nabraŭ bolš za 600 tys. prahladaŭ. Ciapier mahčymaść paznajomicca z našumiełym «Maleńkim pryncam» źjaviłasia i ŭ žycharoŭ Mahilova.
Multfilm raspaviadaje historyju dziaŭčynki i jaje siabroŭstva z hałoŭnym hierojem apovieści-kazki «Maleńki prync» — starym lotčykam. Animacyjny film budzie cikava hladzieć jak tym, chto ŭžo čytaŭ tvor Ekziupiery, tak i tym, chto jašče ź im nie znajomy. Pieraplacieńnie dvuch samastojnych siužetaŭ multfilma i knihi pieratvarajecca ŭ cikavuju i zachaplalnuju historyju — adnačasova sumnuju i śvietłuju, kazačna dobruju i žyćciova ščyruju.
Akramia taho, u ramkach prajekta arhanizatary «Biełaruskich ŭikendaŭ» sumiesna z kampanijaj velcom pieravydali knihu «Maleńki prync» u pierakładzie Niny Maciaš. Značnaja častka nakładu budzie pieradadziena ŭ biblijateki škoł horada Mahilova.
Pieravydańnie knihi «Maleńki prync» źjaŭlajecca praciaham šerahu inicyjatyŭ velcom i «Atłant Telekam» pa padtrymcy biełaruskaj movy. U 2017 hodzie kampanii stali partniorami prajekta «Biełaruskija ŭikendy», metaj jakoha źjaŭlajecca pierakład i ahučvańnie suśvietna viadomych kinafilmaŭ na biełaruskuju movu. U ramkach supracoŭnictva ŭžo adbylisia pakazy multfilmaŭ «Tajamnica Kiełza» i «Maleńki prync», a taksama filmaŭ «Kniha Iłaja» i «Pakul nohi nosiać». Ich piersanažy razmaŭlajuć hałasami viadomych biełaruskich akcioraŭ: Hanny Chitryk, Śviatłany Cimochinaj, Paŭła Charłančuka, Siarhieja Žbankova i inšych.
U Mahilovie pakazy multfilma «Maleńki prync» projduć 1-3 vieraśnia ŭ kinateatry «Kosmas» (Puškinski pr-t, 10). Pačatak sieansaŭ: 1 vieraśnia — ŭ 18:00, 2 i 3 vieraśnia — ŭ 16:00. Bilety možna nabyć u kasach kinateatra, a taksama anłajn. Padrabiaznaści na kinakong.by.
Ciapier čytajuć
Mužu viadomaj biełaruskaj advakatki dali ŭ Rasii 9 hadoŭ kałonii za chabary. A ich sumiesnuju kvateru ŭ Vybarhu ciškom pradali3
Mužu viadomaj biełaruskaj advakatki dali ŭ Rasii 9 hadoŭ kałonii za chabary. A ich sumiesnuju kvateru ŭ Vybarhu ciškom pradali
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»1010
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»10
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra2525
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra25
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy2929
Kamientary