Paśla źmieny ministra zamiežnych spraŭ Polščy stała viadoma pra zamienu pasła ŭ Minsku
Ambasadar Polščy Konrad Paŭlik u najbližejšy čas pakinie Minsk i budzie zamienieny novym kiraŭnikom dypłamatyčnaha pradstaŭnictva, paviedamlaje znadniemna.pl.
Chto źmienić jaho, pakul nieviadoma. Pazaŭčora ŭ Polščy źmianiŭsia ministr zamiežnych spraŭ. Novym ministram staŭ Jacak Čaputovič. Viestka pra źmienu ambasadara ŭ Minsku stała adnoj ź pieršych paśla jahonaha pryznačeńnia na hetuju pasadu.
Pryčynaj kadravych pieramien surazmoŭca «Našaj Nivy» ŭ Varšavie nazvaŭ pravały ŭ palitycy. «U Biełarusi poŭny razryŭ nadziejaŭ — abiacanak dy iluzijaŭ — i realijaŭ», — skazaŭ nam čałaviek, jaki sočyć za polskaj uschodniaj palitykaj.
Adkaznaść za hety «razryŭ nadziejaŭ» novy ministr, miarkuje naš surazmoŭca, uskłaŭ na ambasadara Paŭlika.
U toj ža polskaje MZS paviedamiła, što ambasadar Polščy skončyć svaju misiju pa ŭłasnaj prośbie. Pra heta ahienctvu PAP paviedamiŭ kiraŭnik pres-słužby MZS Artur Lompart. Jon dadaŭ, što rašeńnie pra heta pryniaŭ jašče były ministr Vitald Vaščykoŭski pa prośbie samoha Paŭlika.
U skančeńni misii dypłamata niama palityčnaha fonu, padkreśliŭ Lompart.
Paŭlik byŭ pasłom u Minsku ad 2016 hoda. U 2014—2015 adkazvaŭ za ŭschodniuju i pałanijnuju palityku ŭ MZS.
Niekalki polskich partałaŭ, u tym liku sajt niepryznanaha aficyjnym Minskam Sajuza palakaŭ Biełarusi, siońnia nazvali adklikańnie Paŭlika pieršym krokam novaha ministra zamiežnych spraŭ Polščy Jacka Čaputoviča. Ministerstva zamiežnych spraŭ praz ahienctva PAP abvierhła hetuju infarmacyju.
Varta adznačyć, što amb. Paŭlik, pavodle čutak, mieŭ razychodžańni z Anžalikaj Borys i niekatorymi inšymi aktyvistami polskaj mienšaści.
Jak paviedamlajecca, Paŭlik skončyć svaju misiju 31 studzienia.
Ciapier čytajuć
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie6
Kamientary