Sud Zavodskaha rajona Minska vynies prysud abvinavačanamu pa spravie ab hibieli roŭpdžampiera. Małady čałaviek pryznany vinavatym u ździajśnieńni złačynstva, praduhledžanaha č.1 art.144 KK Biełarusi (pryčynieńnie śmierci pa nieaściarožnaści). Jon pryhavorany da 3 hadoŭ pazbaŭleńnia voli. Jon taksama abaviazany vypłacić 60 tysiač baćku zahinułaha i 30 tysiač jaho rodnaj siastry.
Prysud nie ŭstupiŭ u zakonnuju siłu i moža być abskardžany.
Na pieršym sudovym pasiadžeńni małady čałaviek viny nie pryznaŭ. U chodzie dopytu jon rastłumačyŭ, što ŭ svoj čas skončyŭ miesiačnyja kursy pramysłovaha alpinizmu. Jon płanavaŭ atrymać patrebnuju kvalifikacyju, jakaja dazvalaje jamu ŭ budučyni akazvać adpaviednyja pasłuhi. Małady čałaviek taksama byŭ zacikaŭleny ŭ papularyzacyi takoha vidu dziejnaści, jak arhanizacyja skačkoŭ.
Roŭpdžampier zahinuŭ 18 červienia ŭ pasiołku Sosny, skoknuŭšy z truby kacielni z vyšyni 70 m. Jon upaŭ na ziamlu na vačach u vidavočcaŭ. Arhanizatar skačkoŭ, indyvidualny pradprymalnik, nie zafiksavaŭ na vyciažnoj trubie viarovačnuju kanstrukcyju i nie ažyćciaŭlaŭ pastajanny kantrol za jaje biaśpiečnaj ekspłuatacyjaj. Taksama jon nie vykarystaŭ dadatkovyja mietady i srodki dla praduchileńnia nastałych niehatyŭnych nastupstvaŭ. U vyniku 27-hadovy žychar Salihorska zahinuŭ.
Trahiedyja z 30‑hadovaj doktarkaj sa Starobina — pajšła vydalać zub mudraści i pamierła24
Kamientary