Tvorčaja prastora OK16 (vuł.Kastryčnickaja, 16). Pačatak a 19:30.
29 traŭnia ŭ miežach fiestyvalu intelektualnaj knihi «Pradmova» adbudziecca prezientacyja knižnaj sieryi «Śviatłacieni».
Imprezu praviadzie paet i litaraturaznaŭca Viktar Žybul. Viktar źjaŭlajecca aŭtaram pradmovy i ŭkładalnikam pieršaj knihi, jakaja vyjšła ŭ miežach sieryi, — zbornika vieršaŭ «Pieralivy» Jurki Lavonnaha.
Na imprezie havorka pojdzie pra sieryju, tvorčuju bijahrafiju Lavonnaha, prahučać jaho vieršy. Taksama ŭdzieł voźmuć paetka Viera Burłak, piśmieńnica Hanna Sieviaryniec i hurt Vuraj!
Novaja knižnaja sieryja «Śviatłacieni» maje pradstaŭlać tvorčaść biełaruskich paetaŭ i prazaikaŭ pieravažna mižvajennaha pieryjadu (1920—1940-ja hh.) — adnaho z najbolš cikavych i plonnych u historyi litaratury, što chavaje ŭ sabie jašče šmat nieadkrytych staronak. Pieravaha budzie nadavacca aŭtaram zabytym i napaŭzabytym, čyje tvory z roznych pryčyn nie pieravydavalisia šmat hadoŭ abo ŭvohule zachavalisia tolki ŭ rukapisach. Kožnaje vydańnie miećmie kampaktny farmat, admietny dyzajn i źmiastoŭnuju ilustracyjnuju ŭklejku.
Fiestyval intelektualnaj knihi «Pradmova» — heta placoŭka dla intensiŭnaj kamunikacyi pamiž usimi ŭdzielnikami knihavydavieckaha pracesu: vydaŭcami i aŭtarami, redaktarami i krytykami, ilustratarami i dyzajnierami, pierakładčykami i, biezumoŭna, čytačami, zacikaŭlenymi ŭ sučasnaj i jakasnaj biełaruskaj intelektualnaj knizie.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku44
Kamientary