Lipień 2018. Rejtynh naviedvalnaści biełaruskich infarmacyjnych sajtaŭ LIČBY
«Naša Niva» publikuje abnoŭleny rejtynh papularnaści biełaruskich infarmacyjnych internet-resursaŭ za lipień 2018 hoda.
Hety śpis bazujecca na adkrytych źviestkach partała Similarweb.com. Jon dazvalaje lubomu achvotnamu daviedacca pra papularnaść sajta i ŭbačyć, kolki karystalnikaŭ jaho adkryvali za minuły miesiac i kolki staronak u siarednim jany čytali. Kali pieramnožyć hetyja ličby, atrymajecca kolkaść prahledžanych staronak. Naprykład, za lipień «Naša Niva» mieła 6 696 000 prahladaŭ.
Inšyja ličylniki dajuć dla «Našaj Nivy» suvymiernyja ličby, naprykład, Google Analytics naličyŭ na 10% bolš.
Dadzienyja ad Similarweb.com bolš dakładnyja dla bujnych partałaŭ, ź mienšymi sajtami imaviernaść statystyčnaj pamyłki pavialičvajecca. Taksama sistema nie ŭličvaje prahlady tak zvanych AMP-staronak.
Ułaśniki niekatorych sajtaŭ dałučajuć da svajho profila ŭ Similarweb akaŭnt Google Analytics. U takim razie možna pahladzieć dadzienyja ab prahladach ad abiedźviuch sistem. Adnak rejtynh my farmirujem tolki pa ličbach ad Similarweb.
U dužkach ukazvajecca miesca pa vynikach papiaredniaha rejtynhu, za červień 2018 hoda.
U śpis uklučanyja tolki sajty, redakcyi jakich mieściacca ŭ Biełarusi.
Adznačym važnuju tendencyju apošnich miesiacaŭ: niekatoryja sa ŚMI nabirajuć dobruju statystyku za košt ščylnaj supracy z rasijskimi ahrehatarami. Heta dadaje rasijskuju aŭdytoryju, ale kolkaść čytačoŭ u Biełarusi zastajecca takoj samaj.
Similarweb nie nazyvaje hetyja vydańni biełaruskimi, bo dola karystalnikaŭ ź Biełarusi ŭ ich mienšaja za 50%.
U hetym miesiacy biełaruskich karystalnikaŭ było mienš, čym rasijskich, u «Biełaruskaha partyzana», «Salidarnaści», «Sovietskoj Biełoruśsii», «Inteks-presa», STB, «Arhumientaŭ i faktaŭ». Hetyja ŚMI paznačany zoračkami
Dla paraŭnańnia, u TUT.by, «Anłajniera», «Našaj Nivy» dola karystalnikaŭ.ź Biełarusi składaje 75-80%.
Kolkaść prahladaŭ staronak pavodle dadzienych SimilarWeb za lipień 2018 hoda, miljonaŭ
| № | Srodak masavaj infarmacyi | prahlady staronak (u miljonach) |
| 1 (1) | Navinnyja padraździeły Tut.by — naviny, finansy, aŭto, sport, ledzi, 42, nieruchomaść, afiša | 110,52 |
| 2 (2) | Navinnyja padraździeły Onliner.by — ludzi, nieruchomaść, aŭto, technałohii | 41,23 |
| 3 (3) | Kp.by / Komsomolskaja pravda v Biełarusi | 7,96 |
| 4 (4) | Belaruspartisan.by+.org / Biełorusskij partizan | 7,42* |
| 5 (6) | NN.by / Naša Niva | 6,70 |
| 6 (5) | Pressball.by / Priessboł (biez uliku forumu) | 6,64 |
| 7 (14) | Gazetaby.com / Salidarnaść | 6,40* |
| 8 (8) | By.tribuna.com / Trybuna | 5,42 |
| 9 (7) | Naviny.by / Naviny | 5,13 |
| 10 (12) | Sb.by / Sovietskaja Biełoruśsija | 4,88* |
| 11 (9) | Sputnik.by / Sputnik Biełaruś | 4,19 |
| 12 (11) | S13.ru (Hrodna) | 4,03 |
| 13 (10) | Tvr.by / Biełteleradyjokampanija | 3,8 |
| 14 (13) | Belta.by / BiełTA | 3,63 |
| 15 (14) | Gomel.today / Silnyje Novosti (Homiel) | 3,30 |
| 16 (16) | Virtualbrest.by / Virtualnyj Briest | 2,80 |
| 17 (18) | Udf.by | 2,75 |
| 18 (17) | Citydog.by | 2,74 |
| 19 (22) | Intex-press.by / Inteks-Pres (Baranavičy) | 2,50* |
| 20 (19) | Ctv.by / STB | 2,39* |
| 21 (20) | Belnovosti.by / Biełorusskije novosti | 2,17 |
| 22 (23) | Belsat.eu / Biełsat | 1,61 |
| 23 (21) | Kuku.org | 1,40 |
| 24 (24) | Svaboda.org / Radyjo Svaboda | 1,26 |
| 25 (26) | Aif.by / Arhumienty i fakty | 1,04* |
| 26 (27) | Ont.by / ANT | 1,01 |
| 27 (28) | Ej.by / Ježiednievnik | 0,77 |
| 28 (29) | Interfax.by / Intierfaks | 0,73 |
| 29 (30) | Euroradio.by / Jeŭraradyjo | 0,63 |
| 30 (—) | Kurjer.info / Infa-Kurjer (Słuck) | 0,60 |
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Kamientary