Supracoŭniki saudaŭskich śpiecsłužbaŭ vypadkova zadušyli žurnalista Džamala Chašohi ŭ konsulstvie Saudaŭskaj Aravii ŭ Stambule, paśla čaho zmanili, što dazvolili jamu syści. Pra heta Reuters ananimna zajaviŭ vysokapastaŭleny saudaŭski čynoŭnik.
Pavodle jaho słoŭ, u Stambuł prybyli 15 ahientaŭ, kab pierakanać Chašohi dobraachvotna viarnucca ŭ Saudaŭskuju Araviju. Ale žurnalist admoviŭsia viartacca. Tady ahienty pryhrazili, što nakačajuć jaho narkotykami i vykraduć. Chašohi staŭ klikać na dapamohu, i da jaho ŭžyli zadušlivy pryjom. «Jany chacieli prymusić jaho zamaŭčać, ale jon pamior», — skazała krynica Reuters, padkreśliŭšy, što žurnalista zabili nienaŭmysna.
Kab schavać złačynstva, ahienty zaharnuli cieła Chašohdžy ŭ dyvan i pieradali jaho «miascovamu kalehu», jaki ad jaho pazbyŭsia (pa słovach surazmoŭcy Reuters, miescaznachodžańnie pareštkaŭ pakul nieviadoma). Adzin z saudaŭskich ahientaŭ nadzieŭ vopratku Chašohi, jaho akulary i Apple Watch — i pajšoŭ z konsulstva praz zadnija dźviery, kab padać spravu tak, jak byccam žurnalist pakinuŭ budynak. Jon vykinuŭ jaho rečy ŭ adnym z rajonaŭ Stambuła.
Zatym ahienty napisali falšyvuju spravazdaču, u jakoj havaryłasia, što jany dazvolili Chašohi syści paśla taho, jak jon admoviŭsia viartacca ŭ Saudaŭskuju Araviju. Surazmoŭca Reuters zajaviŭ, što mienavita na hetaj spravazdačy hruntavalisia pieršapačatkovyja śćviardžeńni saudaŭskich uładaŭ ab tym, što žurnalist pakinuŭ konsulstva. Ciapier usie 15 saudaŭskich ahientaŭ, adpraŭlenych u konsulstva ŭ Stambule, a taksama jašče try padazravanych aryštavanyja.
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja7
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek44
Kamientary