Archieołahi ŭ Pampiejach vyjavili dobra zachavanuju eratyčnuju fresku, jakaja pakazvaje momant sukupleńnia dački mifičnaha etalijskaha cara Ledy ź Zieŭsam, jaki pieraŭvasobiŭsia ŭ lebiedzia, piša bbc.com.
Jak miarkujecca, freska ŭpryhožvała spalniu adnaho z bahatych damoŭ u centry horada.
Staražytnarymski horad Pampiei, ruiny jakoha znachodziacca niedaloka ad Nieapala, byŭ pachavany pad płastom vułkaničnaha popiełu ŭ vyniku vyviaržeńnia Viezuvija 24 žniŭnia 79 hoda.
Pavodle mifa ab Ledzie i lebiedzi, Zieŭs, uražany pryhažościu spartanskaj carycy Ledy, źjaviŭsia pierad joj u vobrazie lebiedzia na race Jeŭrot i avałodaŭ joju.
«Pohlad Ledy skiravany na kožnaha, chto ŭvachodzić u spalniu. Jana hladzić ź jaskrava vyjaŭlenaj pačućciovaściu. Hetym freska i vyklučnaja», - prakamientavaŭ kiraŭnik archieałahičnaha parku Pampiejaŭ Masima Hasana.
Spakušeńnie lebiedziem Ledy było adnym z upadabanych siužetaŭ antyčnych mastakoŭ, asablivuju cikavaść da hetaha mifa taksama vyjavili žyvapiscy epochi Reniesansu. Svaje karciny hetamu mifu pryśviacili Leanarda da Vinčy, Mikiełandžeła, Tyntareta i mnohija inšyja.
Pavodle mifa, dačka Ledy, jakaja naradziłasia ad sajuzu ź Zieŭsam, Alena, była samaj vydatnaj z žančyn. Jana stała žonkaj cara Sparty Mieniełaja, adnak adnojčy, pakul jaje muž adsutničaŭ u Sparcie, Alenu vykraŭ trajaniec Parys. Heta vykradańnie, pavodle mifa, stała padstavaj dla pačatku Trajanskaj vajny.
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja7
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek44
Kamientary