Ryzyka pahłynańnia našaj krainy Rasijaj vialikaja, jak nikoli, miarkuje topavy ŭkrainski viadoŭca Dźmitry Hardon.
Padčas tok-šou na ŭkrainskim telekanale «Priamij» abmierkavali situacyju vakoł Biełarusi. Hość studyi — viadomy ŭkrainski intervjujer Dźmitry Hardon — raspavioŭ pra vuzkuju sustreču ŭ Kijevie, na jakoj jon prysutničaŭ u vieraśni. Tam sabralisia, pa słovach Hardona, paŭtuzina sučasnych i byłych ambasadaraŭ ZŠA ŭ Rasii i va Ukrainie, a taksama kala troch dziasiatkaŭ zaprošanych ekśpiertaŭ. Prysutničaŭ tam i były daradca Pucina pa ekanomicy Andrej Iłaryjonaŭ.
«Niaŭžo vy nie razumiejecie, što nastupnaj za častkaj Ukrainy Rasija anieksuje Biełaruś?», — nibyta skazaŭ Iłaryjonaŭ amierykanskim dypłamatam naprykancy sustrečy.
Varta adznačyć, što Iłaryjonaŭ pracavaŭ daradcam Pucina ŭ 2000-2005 hh., i z pačatku kanfliktu va Ŭkrainie aktyŭna kamientuje padziei vakoł jaje. Jaho niaredka abvinavačvajuć u nahniatańni histeryi i ałarmisckich prahnozach, jakija nie spraŭdžvajucca.
«Siońnia jak nikoli jašče ŭ svajoj historyi Biełaruś staić pierad mahčymaj anieksijaj z boku Rasii, — raźviŭ dumku Hardon. — Taksama ž hetaja pahroza navisła nad paŭnočnym Kazachstanam. Pucin idzie dalej. Pucin choča stvaryć hety svoj ruski mir — tam, dzie heta projdzie».
Łukašenka padyšoŭ da rakavoj rysy, miarkuje Hardon.
Viadoŭca Maćviej Hanapolski patelefanavaŭ biełaruskamu žurnalistu Siarhieju Charytonavu, kab spraŭdzić, ci sapraŭdy ŭ Biełarusi niama anivodnaj biełaruskamoŭnaj škoły. Charytonaŭ zbolšaha abmalavaŭ situacyju z movaj u adukacyi, a taksama vykazaŭ dumku, što biełarusy ŭžo pryvykli žyć u svajoj krainie, a tamu svaju niezaležnaść nie zdaduć.
«Aptymist», — adreahavaŭ Hardon.
Biełaruskuju temu abmiarkoŭvajuć z 16:30 u videa:
-
Samalot Flydubai uratavali piłot-indyjec i try pasažyry, adzin ź jakich stamatołah. Druhoha piłota źviazali pravadami ad słuchavak i małankami
-
U Paŭdniovaj Karei 600 tysiač čałaviek pryjšli pahladzieć na akułu, jakaja zachrasła ŭ kanale
-
U amierykanskim Tenesi ŭpieršyniu za 200 hadoŭ źbiralisia pakarać śmierciu žančynu. Ale vykanańnie prypynili za hadzinu da pryznačanaha času
Kamientary