Na fiłfaku BDU stanie mienš biełaruskaj movy? Raźbirajemsia, ci tak
U niekatorych ŚMI źjaviłasia infarmacyja, što na fiłfaku BDU stanuć mienš vyvučać biełaruskuju movu. Źviazanaja heta nibyta ź jaje niezapatrabavanaściu ŭ abituryjentaŭ i niastačaj vykładčyckaha składu.
U pryvatnaści, Biełsat pisaŭ pra toje, što «u novym navučalnym hodzie na kafiedry słavianskaj fiłałohii fiłałahičnaha fakulteta BDU źbirajucca admianić vyvučeńnie biełaruskaj movy ŭ źviazcy ź inšymi słavianskimi. Zamiest jaje buduć vyvučać rasiejskuju movu».
Praŭda, na fiłfaku adsutničaje kafiedra słavianskaj fiłałohii, adnak jość, naprykład, kafiedra sučasnaj biełaruskaj movy, jakaja, pa infarmacyi krynicy «NN», znachodzicca pad pahrozaj zakryćcia.
Što pra hetyja čutki kažuć u BDU?
U pres-słužbie BDU śćviardžajuć, što nijakich reformaŭ nie płanujecca.
«Fiłałahičny fakultet štohod paśpiachova vykonvaje płan naboru na ŭsie śpiecyjalnaści, u tym liku i na biełaruskuju fiłałohiju. Zrazumieła, što za apošnija dziesiacihodździ źmianšałasia kolkaść vypusknikoŭ škoł, adpaviedna, źmianšaŭsia i nabor na roznyja śpiecyjalnaści ŭ cełym u krainie.
Na siońnia na ŭsie śpiecyjalnaści fakulteta, u tym liku i biełaruskuju fiłałohiju, my nabirajem pa adnoj akademičnaj hrupie na biudžetnaj asnovie. Pry hetym kadravy skład našaha fakulteta adzin z najbolš pradstaŭničych u Biełarusi. Tak, na fakultecie pracuje 21 vykładčyk biełaruskaj movy. Ź ich 4 daktary navuk i 14 kandydataŭ navuk. Biełaruskuju litaraturu i litaraturaznaŭstva vykładajuć 25 čałaviek, ź jakich 7 daktaroŭ navuk i 13 kandydataŭ navuk. Ci možacie pryvieści prykład, dzie jašče bolš kadraŭ vyšejšaj kvalifikacyi pa biełaruskaj movie i litaratury? U suviazi z vyšejadznačanym havaryć pra niedachop kadraŭ, miakka kažučy, niedarečna. Zusim začyniać kafiedru sučasnaj biełaruskaj movy nichto nie źbirajecca», — paviedamili «NN» u pres-słužbie, dadaŭšy, što nijakich źmien, źviazanych z vyvučeńniem biełaruskaj movy, u adukacyjnym pracesie nie čakajecca.
Ciapier čytajuć
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje99
Kamientary