Pryviedzieny ŭ vykanańnie śmiarotny prysud u adnosinach da Alaksandra Žylnikava. Pra heta kaardynataru kampanii «Pravaabaroncy suprać śmiarotnaha pakarańnia ŭ Biełarusi» Andreju Pałudzie paviedamili svajaki asudžanaha, piša spring96.org
Pakul što los druhoha fihuranta spravy — Viačasłava Sucharki — nieviadomy. Ale, jak pakazvaje praktyka, prysudy adnačasova pryvodziacca ŭ vykanańnie da ŭsich asudžanych da vyšejšaj miery pa adnoj spravie.
Sprava adnosicca da śniežnia 2015 h. Na vulicy Alibiehava ŭ Minsku u svajoj kvatery byli zabityja małady chłopiec i jaho dziaŭčyna. Byłaja siabroŭka maładoha čałavieka, vychavalnica dziciačaha sada Alina Šulhanava, nie zmahła źmirycca z tym, što jaje kavaler syšoŭ da inšaj, i vyrašyła pravučyć sapiernicu. Vykanaŭcy (Viačasłaŭ Sucharka i Alaksandr Žylnikaŭ) pierastaralisia — zabili i chłopca, i dziaŭčynu. Adrazu paśla zatrymańnia stała viadoma, što mužčyny taksama datyčnyja da zabojstva žychara Kałodziščaŭ, jaki zdavaŭ pakoj u svaim domie adnamu ź ich.
Aktyvistka BRSM žyła «šviedskaj siamjoj», a paśla zamoviła raspravu nad supiernicaj
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku14
Kamientary