Hienieralny sakratar NATA Mark Rute zajaviŭ, što ciapier niepasrednaj pahrozy terytoryi aljansu z boku Rasii niama. Jon taksama skazaŭ, što NATA značna macniejšaje za Rasiju i ŭ vypadku vajskovaha sutyknieńnia Maskva nie zmoža pieramahčy aljans. A jadziernyja pahrozy z boku Rasii jon surjozna nie ŭsprymaje, piša Politico.
Słovy Marka Rute prahučali paśla taho, jak Rasija nakiravała NATA dypłamatyčnuju notu z papiaredžańniem ab mahčymym vykarystańni jadziernaj zbroi ŭ vypadku sproby izalavać Kalininhradskuju vobłaść ad astatniaj terytoryi krainy. Maskva taksama zajaviła, što ŭ vypadku ŭzbrojenaha kanfliktu moža nanieści ŭdary pa «centrach pryniaćcia rašeńniaŭ» u krainach — členach aljansu.
Pa słovach Rute, NATA adkazała na rasijskuju notu spakojna. Jon padkreśliŭ, što aljans maje abarončy charaktar, i zaklikaŭ Rasiju spynić jadziernyja pahrozy.
Hienieralny sakratar NATA taksama adznačyŭ, što kali Rasija vyrašyć pačać vajennyja dziejańni suprać Finlandyi, krain Bałtyi, Polščy ci inšaj dziaržavy aljansu, hetamu budzie papiaredničać naroščvańnie rasijskich vajskovych sił. Pa jaho słovach, ZŠA zachavajuć udzieł u abaronie Jeŭropy jak zvyčajnymi, tak i jadziernymi srodkami.
Rute zajaviŭ, što NATA praciahnie padtrymlivać Ukrainu i adnačasova ŭkładać srodki va ŭmacavańnie ŭłasnaj abarony. Jon zaklikaŭ krainy aljansu nie paddavacca na pahrozy z boku Maskvy i zachoŭvać spakoj.
Pavodle słoŭ hienieralnaha sakratara aljansu, Rasija sutykajecca ź ciažkaściami na froncie i imkniecca raskałoć krainy NATA, kab damahčysia spynieńnia padtrymki Ukrainy. Jon taksama skazaŭ, što Uładzimir Pucin pakul nie demanstruje hatoŭnaści da pieramoŭ ab zakančeńni vajny.
Ciapier čytajuć
Zališniaje budaŭnictva: ci moža luboŭ biełarusaŭ inviestavać hrošy ŭ kvatery pryvieści da kryzisu na rynku nieruchomaści?4
Kamientary
napomnitie mnie, na kakoje hosudarstvo NATO napała Juhosłavija (i jeŝie diesiatki stran), pieried tiem, kak NATO stało "oboroniaťsia"