«Hrenłandyja nie pradajecca, ale Hrenłandyja hatovaja da pieramovaŭ ab supracoŭnictvie ź inšymi krainami, uklučajučy ZŠA», — paviedamili RBK u pres-słužbie ŭrada Hrenłandyi ŭ adkaz na prośbu prakamientavać paviedamleńnie vydańnia The Wall Street Journal, što prezident ZŠA Donald Tramp vyjaviŭ žadańnie nabyć vostraŭ u Danii.
Ministr zamiežnych spraŭ Hrenłandyi Ani Łone Bahier zajaviła ŭ intervju ahienctvu Reuters, što ŭłady Hrenłandyi nie zhodnyja z takoj pastanoŭkaj pytańnia.
Raskrytykavała ideju pakupki i deputat miascovaha parłamienta Ajia Chiemnic Łarsien, jakaja pradstaŭlaje partyju, jakaja vystupaje za pradastaŭleńnie Hrenłandyi niezaležnaści ad Danii. Pavodle jaje słoŭ, «Hrenłandyja nie źjaŭlajecca tavaram, i Danija nie moža pradać jaje», paviedamlaje Hrenłandskaje vydańnie Sermitsiaq
Jak adznačyła Łarsien, prychilniki niezaležnaści ŭ budučyni raźličvajuć bolš aryjentavacca na krainy Paŭnočnaj Jeŭropy, a nie na ZŠA. Pavodle jaje słoŭ, u budučyni Hrenłandyja raźličvaje zachavać takija dasiahnieńni jak biaspłatnuju adukacyju i miedycynu. «U mianie jość peŭnyja aściarohi nakont taho, jakoje hramadstva my atrymajem, kali Hrenłandyja stanie amierykanskaj», - dadała palityk.
Materyjał u WSJ źjaviŭsia za tydzień da zapłanavanaha vizitu Trampa ŭ Kapienhahien. Vydańnie śćviardžała, što amierykanski prezident abmiarkoŭvaŭ kuplu Hrenłandyi sa svaimi daradcami i advakatami. Pry hetym WSJ pakazvała, što ideja Tramp nie atrymała adzinahałosnaj padtrymki ŭ Biełym domie.
Dackija ŭłady taksama niehatyŭna adreahavali na infarmacyju pra namier prezidenta ZŠA Donalda Trampa nabyć Hrenłandyju. Pra heta paviedamlaje dackaje vydańnie Jyllands Posten.
Tak, pradstaŭnik Dackaj narodnaj partyi pa mižnarodnych pytańniach Sierenu Jeśpiersien zajaviŭ, što padobnyja płany, kali jany praŭdzivyja, dakazvajuć, što prezident ZŠA zvarjacieŭ. «Dumka, što Danija moža pradać 50 tys. svaich hramadzian ZŠA, absalutna varjackaja», — miarkuje Jeśpiersien.
Ciapier čytajuć
Delehatka KR Karpušonak paśla maŭčańnia apublikavała videa19
Delehatka KR Karpušonak paśla maŭčańnia apublikavała videa
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1515
Kamientary