Łukašenka: Ja časta staŭlu Fidela Kastra ŭ prykład mnohim inšym kiraŭnikam
Pra heta Alaksandr Łukašenka zajaviŭ siońnia na aficyjnych pieramovach z prezidentam Kuby Mihielem Marya Dyjas-Kanielem Biermudesam, pieradaje BiełTA.
«Biełaruś budzie zaŭsiody dla vas nadziejnym addanym siabram, i našy damoŭlenaści buduć zaŭsiody vykonvacca», — padkreśliŭ biełaruski lidar.
«Pavažany spadar prezident, darahi Mihiel, mnie pryjemna vitać vas razam z vašymi kalehami ŭ Biełarusi. Heta vaš pieršy vizit u Biełaruś u jakaści prezidenta. Vy ŭžo byvali ŭ nas zusim niadaŭna (u mai 2016 hoda ŭ jakaści pieršaha namieśnika staršyni Dziaržaŭnaha savieta i Savieta ministraŭ Kuby), i ŭ mianie była honar i mahčymaść paznajomicca z vami», — takimi słovami ŭ pačatku pieramovaŭ biełaruski kiraŭnik vitaŭ svajho kalehu.
Alaksandr Łukašenka adznačyŭ, što apošnija 25 hadoŭ hieraičnaj historyi Kuby razhortvalisia na jaho vačach. «Ja dobra byŭ znajomy ź Fidelem Kastram.
U mianie da hetaha času pryjemnyja ŭražańni ad sustreč ź im, pieramovaŭ. Ja vielmi časta pryvodžu hetaha čałavieka ŭ prykład mnohim inšym kiraŭnikam dziaržaŭ. Heta byŭ vialiki čałaviek. Ja vielmi blizka i dobra znajomy z Raulem (Kastra), dobra viedaju vas», — skazaŭ kiraŭnik dziaržavy.
Jon padkreśliŭ, što ŭ Biełarusi ŭvažliva nazirajuć za tym, jak u Kubie pravodzicca pahłyblenaje refarmavańnie ekanomiki i palityčnaj sistemy.
«My vielmi spadziajemsia, vielmi chočam, kab revalucyjnaja, stojkaja, mužnaja Kuba była zaŭsiody paśpiachovaj, a kubincy byli bahatymi ludźmi», — skazaŭ Alaksandr Łukašenka.
Što tyčycca historyi biełaruska-kubinskich adnosin, to jany majuć tryvały padmurak. «Nam pašancavała, što nie treba ničoha vydumlać. Treba prosta praciahvać našy adnosiny i vykonvać damoŭlenaści, — ličyć biełaruski lidar. — Dumaju, pahladzim na našu darožnuju kartu, płan dziejańniaŭ. Kali nam niešta nie padychodzić ź ciaham času, my heta vyklučym, namiecim novyja aryjenciry».
Alaksandr Łukašenka źviarnuŭ uvahu, što ekanomiki dźviuch krain nie kankurujuć i jość uzajemnaja patrebnaść ŭ tavarach. «Nam treba surjozna pahavaryć pa hetych pytańniach, namiecić aryjenciry i ruchacca napierad», - reziumavaŭ kiraŭnik Biełarusi.
Ciapier čytajuć
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek44
Kamientary