Лукашэнка: Я часта стаўлю Фідэля Кастра ў прыклад многім іншым кіраўнікам
Пра гэта Аляксандр Лукашэнка заявіў сёння на афіцыйных перамовах з прэзідэнтам Кубы Мігелем Марыа Дыяс-Канелем Бермудэсам, перадае БелТА.
«Беларусь будзе заўсёды для вас надзейным адданым сябрам, і нашы дамоўленасці будуць заўсёды выконвацца», — падкрэсліў беларускі лідар.
«Паважаны спадар прэзідэнт, дарагі Мігель, мне прыемна вітаць вас разам з вашымі калегамі ў Беларусі. Гэта ваш першы візіт у Беларусь у якасці прэзідэнта. Вы ўжо бывалі ў нас зусім нядаўна (у маі 2016 года ў якасці першага намесніка старшыні Дзяржаўнага савета і Савета міністраў Кубы), і ў мяне была гонар і магчымасць пазнаёміцца з вамі», — такімі словамі ў пачатку перамоваў беларускі кіраўнік вітаў свайго калегу.
Аляксандр Лукашэнка адзначыў, што апошнія 25 гадоў гераічнай гісторыі Кубы разгортваліся на яго вачах. «Я добра быў знаёмы з Фідэлем Кастрам.
У мяне да гэтага часу прыемныя ўражанні ад сустрэч з ім, перамоваў. Я вельмі часта прыводжу гэтага чалавека ў прыклад многім іншым кіраўнікам дзяржаў. Гэта быў вялікі чалавек. Я вельмі блізка і добра знаёмы з Раулем (Кастра), добра ведаю вас», — сказаў кіраўнік дзяржавы.
Ён падкрэсліў, што ў Беларусі ўважліва назіраюць за тым, як у Кубе праводзіцца паглыбленае рэфармаванне эканомікі і палітычнай сістэмы.
«Мы вельмі спадзяемся, вельмі хочам, каб рэвалюцыйная, стойкая, мужная Куба была заўсёды паспяховай, а кубінцы былі багатымі людзьмі», — сказаў Аляксандр Лукашэнка.
Што тычыцца гісторыі беларуска-кубінскіх адносін, то яны маюць трывалы падмурак. «Нам пашанцавала, што не трэба нічога выдумляць. Трэба проста працягваць нашы адносіны і выконваць дамоўленасці, — лічыць беларускі лідар. — Думаю, паглядзім на нашу дарожную карту, план дзеянняў. Калі нам нешта не падыходзіць з цягам часу, мы гэта выключым, намецім новыя арыенціры».
Аляксандр Лукашэнка звярнуў увагу, што эканомікі дзвюх краін не канкуруюць і ёсць узаемная патрэбнасць ў таварах. «Нам трэба сур'ёзна пагаварыць па гэтых пытаннях, намеціць арыенціры і рухацца наперад», - рэзюмаваў кіраўнік Беларусі.
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»48
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2626
Каментары