Adna z hałoŭnych tradycyj Kupałaŭskaha teatra — raspačynać siezon pakazam lehiendarnaha śpiektakla «Paŭlinka». U hetym hodzie abstaviny skłalisia tak, što Kupałaŭski adkryje siezon dvojčy: paśla dvuch miesiacaŭ pierapynku teatr adnaŭlaje svaje pakazy. I dziela taho, kab viartańnie hledačoŭ u teatr stała sapraŭdnym śviatam, užo 15 červienia na hałoŭnaj scenie adbudziecca pakaz vizitoŭki Kupałaŭskaha teatra — śpiektakla «Paŭlinka».
Dla ŭsich hledačoŭ teatr abaviazkova budzie prytrymlivacca mieraŭ biaśpieki padčas praviadzieńnia śpiektaklaŭ. Rassadka budzie ažyćciaŭlacca praz peŭnuju dystancyju ŭ 2 miescy, a ahulnaja napaŭnialnaść zali hałoŭnaj sceny nie budzie pieravyšać 100 hledačoŭ (z 338 miescaŭ), a ŭ zali kamiernaj sceny — nie bolš za 40 hledačoŭ (z 80 miescaŭ).
Napačatku i naprykancy śpiektakla budzie pravodzicca abaviazkovaja dezynfiekcyja pamiaškańniaŭ teatra. Taksama vy zaŭsiody možacie skarystacca antysieptykami, raźmieščanymi ŭ teatry.
Z repiertuaram na červień i lipień možna aznajomicca na sajcie kupalauski.by.
-
U Homielskim dramatyčnym teatry — kadravyja čystki. Znoŭ praz «palityku»
-
«Budzie śmiešna i baluča»: «Kupałaŭcy» prezientujuć zaŭtra novy śpiektakl. U hałoŭnych rolach — Manajeŭ, Biełachvościk, Harcujeva
-
«Rašeńnie pryjšło zvonku». Što adbyvajecca ŭ viciebskim teatry, dzie ŭ śpiektakli prahučała «Žyvie Fłandryja!» i pačałasia čarada zvalnieńniaŭ?
Ciapier čytajuć
Trahiedyja z 30‑hadovaj doktarkaj sa Starobina — pajšła vydalać zub mudraści i pamierła6
Kamientary