Artysty masava admovilisia ad udziełu ŭ pieradvybarčych kancertach Łukašenki. Kancerty admianiajucca
6 žniŭnia stała viadoma, što napiaredadni vybaraŭ prezidenta Biełarusi ŭ mnohich bujnych haradach krainy projduć kancerty, u tym liku z udziełam zamiežnych vykanaŭcaŭ (u asnoŭnym, rasijskich i ŭkrainskich).
Paśla naviny pra kancerty žychary Biełarusi pačali masava pisać zorkam u sacyjalnych sietkach i prasić ich nie pryjazdžać na kancerty 8 žniŭnia.
I, zdajecca, heta spracavała.
Kancerty na 8 žniŭnia ŭ padtrymku Łukašenki ŭ Minsku, abłasnych i vialikich rajonnych haradach z udziełam zamiežnych artystaŭ admienienyja.
Repier Tyga:
Rasijski hurt Rasa admoviŭsia ad vystupu ŭ Minsku 8 žniŭnia i apublikavaŭ zvarot u instahramie.
Biełaruskaja zorka Mevł taksama admoviŭsia ad vystupu 8 žniŭnia ŭ Minsku.
Džaro i Chanza taksama napisali ŭ instahramie, što nie pryjeduć na kancert u Minsk 8 žniŭnia.
«Kar-Men» admianili svoj vystup na minskim mierapryjemstvie 8 žniŭnia.
Stas Pjecha admoviŭsia vystupać 8 žniŭnia ŭ Breście (skazaŭ, što raniej za vosień nie čakać jaho ŭ Biełarusi).
Haddaway naohuł nie viedaŭ, što vystupaje 8 žniŭnia ŭ Homieli, tamu nie budzie i jaho.
Cina Karal vydaliła ŭsie anonsy mierapryjemstva 8 žniŭnia ŭ Babrujsku (taksama źjaviłasia aficyjnaja zajava ŭ pabliku ŭkrainskaha jeŭrabačańnia, što jana nie pryjedzie).
Juliana Karaułava admoviłasia vystupać 8 žniŭnia ŭ Breście.
Aksana Kavaleŭskaja (hurt «Kraski») napisała ŭ instahramie, što nie vystupaje ŭ Breście 8 žniŭnia.
Leanid Ahucin spytaŭ u svaich fanaŭ, ci jechać jamu na kancert 8 žniŭnia ŭ Hrodnie, i pryniaŭ rašeńnie — nie jechać.
A pad poŭnač prychilnikam daŭ adkaz na prośby nie pryjazdžać na kancert u horad na Zachodniaj Dźvinie Ryhor Leps: «Darahija siabry! Kancertu ŭ Viciebsku 8 žniŭnia nie budzie».
-
Polskaja daślednica biełaruskaj identyčnaści maryć pra pomnik «kułaku» ŭ Minsku i čakaje, kali Biełaruś znoŭ adkryjecca śvietu
-
Biełarus, jaki adsiadzieŭ u Tambovie, zavis miž niebam i ziamloj — Rasija choča departavać, a Biełaruś pytajecca: chto heta?
-
Mama studentki-vydatnicy raskazała pra vydatki na vypuskny
Kamientary