«Nie budziem źviartać uvahu na limitrofaŭ». Juraś Ziankovič zapuściŭ ułasnaje miedyja, nie viedajučy, što hetaksama nazyvajecca sajt paźniakoŭcaŭ
Ziankovič admaŭlajecca pierajmianoŭvacca: «Tym, chto čytaje naš kanał, Zianon absalutna niecikavy».
Były palitviazień Juraś Ziankovič abviaściŭ ab stvareńni miedyja Varta, aryjentavanaha na biełarusaŭ ZŠA.
«Žyvieš u Amierycy, sočyš za Biełaruśsiu, ale nie chočaš štodnia pierakopvać dziasiatki sajtaŭ i kanałaŭ? Kožnuju ranicu tut budzie karotki ahlad hałoŭnych padziej u ZŠA, Biełarusi i śviecie. Nie prosta śpis navinaŭ, a tłumačeńnie: što adbyłosia, čamu heta važna i jak heta moža zakranuć biełarusa ŭ Amierycy.
Što praŭda, kamientatary adrazu ž patłumačyli jamu, što isnuje amal adnajmiennaje miedyja — Warta.media. Jaho ŭ 2025 hodzie zapuścili paźniakoŭcy. Resurs pracuje pad słohanam «Biełaruskaje nacyjanalnaje miedyja». Pa padlikach Similarweb.com, u červieni 2026 hoda na sajt zachodziła mienš za 50 karystalnikaŭ na dzień.
Ziankovič pra ŭsio heta nie viedaŭ, ale nie bačyć biady. Jon pačytaŭ paźniakoŭskuju «Vartu» i vynies strohi prysud:
«Pa-pieršaje, my ničoha nie parušajem, bo pracujem u ZŠA, a nie ŭ Polščy. Pa-druhoje, niapoŭnyja 500 pastoŭ za try hady — achranieć sabie jakoje ŚMI! Heta bolš padobnaje na aŭtarskuju kałonku, čym «nacyjanalnaje miedyja». My za miesiac, dumaju, bolš napišam.
Tak što nie budziem źviartać uvahu na limitrofaŭ. U nas z Z! navat čytackija aŭdytoryi roznyja: tym, chto čytaje naš kanał, Zianon absalutna niecikavy. I naadvarot. Mnie asabista našaje mota «Varta čytać «Vartu» vielmi padabajecca, i mianiać my ničoha nie budziem».
Ciapier čytajuć
Muzyka, malavańnie i tancy ŭ škołach i himnazijach — usio? Što viadoma pra skaračeńni nastaŭnikaŭ-estetystaŭ6
Muzyka, malavańnie i tancy ŭ škołach i himnazijach — usio? Što viadoma pra skaračeńni nastaŭnikaŭ-estetystaŭ
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1313
Kamientary