KDB i AMAP pryjšli ź pieratrusam da režysiora Andreja Kudzinienki
Jon byŭ vymušany ŭciačy ź Biełarusi.
«KDB i AMAP pryjšli ź pieratrusam da režysiora Andreja Kudzinienki. Andrej byŭ vymušany ŭciačy ź Biełarusi», — napisaŭ u fejsbuku siabra Kudzinienki, dyrektar fiestyvalu biełaruskich filmaŭ Bulbamovie Januš Haŭryluk.
Pa słovach Haŭryluka, biełaruskija ŭłady abvinavacili Kudzinienku ŭ «ekstremiźmie». Padčas pieratrusaŭ u jahonaj kvatery i ŭ kinaškole ŭdzielničali vosiem supracoŭnikaŭ AMAPa i dva supracoŭniki KDB. Pieratrusy praciahvalisia 15 hadzin. U Kudzinienki zabrali pašpart i telefon. Usie miesiendžary i akaŭnty Andreja ŭ sacyjalnych sietkach ciapier znachodziacca pad kantrolem KDB. Režysioru skazali, što jamu pahražaje ad 8 da 12 hadoŭ pazbaŭleńnia voli.
«Siońnia samaje hałoŭnaje — Andrej u biaśpiecy. Chočacca vieryć, što ŭžo chutka jon znoŭ zmoža zdymać kino, a nie zmahacca za ŭłasnuju svabodu», — dadaŭ Januš Haŭryluk.
Andrej Kudzinienka — biełaruski režysior i scenaryst. Viadomaść jamu ŭ 2004 hodzie prynios mastacki film «Akupacyja. Misteryi», karcina pra padziei Druhoj suśvietnaj na Biełarusi. Film składajecca z troch častak i prapanuje adrozny ad tradycyjnaha partyzanskaha pohladu na vajnu. Kudzinienka źniaŭ taksama film «Masakra», dzie zakranajucca padziei Paŭstańnia 1863 hoda, inšyja stužki.
Kudzinienka — suzasnavalnik fiestyvalu Bulbamovie, byŭ kurataram art-festa «Chranatop», što pravodziŭsia ŭ Pastaŭskim rajonie. Na «Biełaruśfilmie» zdymaŭ sieryjał pra alimpijskaha čempijona Alaksandra Miadźviedzia.
Ciapier čytajuć
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?8
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary