Pasoł Biełarusi ŭ Słavakii: Ja salidarny z tymi, chto vyjšaŭ na vulicy biełaruskich haradoŭ
Mianie zavuć Ihar Alaksandravič Laščenia.
Ja źviartajusia da Vas nie tolki jak Pasoł Biełarusi ŭ Słavaččynie.
Ja źviartajusia da Vas u jakaści najstarejšaha kiraŭnika biełaruskaj zamiežnaj ustanovy pavodle dośviedu pracy Pasłom i adzinaha dziejnaha biełaruskaha dypłamata, jaki pracavaŭ u MZS SSSR i ŭ savieckim pasolstvie za miažoj.
Jak i ŭsie biełarusy, ja — u šoku ad historyj ab katavańniach i źbićci hramadzian majoj krainy. Na Tut.baj u adnoj z fatahrafijaŭ miesiva ź siniakoŭ i krovapadciokaŭ my apaznali adnakłaśnika majoj dački, jaki dakładna nikoli nie ličyŭsia buntaŭnikom!
Na žal, dla hetaha byli pieradumovy.
15 hadoŭ tamu ŭ nas była adkrytaja «Linija Stalina». I havorka išła nie tolki pra podźvih savieckaha naroda. Nie mienš važnaja pryčyna — imia Stalina ŭ naźvie. Zatym źjaviŭsia ministr unutranych spravaŭ, jakomu forma aficera stalinskaha NKVD nahadvała nie pra miasarubku 1937 hoda i nie pra HUŁAH, a pra Dzień Pieramohi. A ciapier sotni maich suajčyńnikaŭ adčuli na sabie, što šerah pradstaŭnikoŭ pravaachoŭnych orhanaŭ u poŭnaj miery adradzili tradycyi NKVD u talerantnaj jeŭrapiejskaj Biełarusi XXI stahodździa!
MZS, pradstaŭniki jakoha abaraniajuć intaresy Biełarusi za miažoj, časta pryraŭnoŭvajuć da siłavych viedamstvaŭ. Siłaviki imknucca nie dapuścić umiašańnia va ŭnutranyja spravy krainy zvonku.
Ale ja dakładna viedaju, što klučavymi składnikami zhurtavanaj, mocnaj i niezaležnaj ad vonkavych upłyvaŭ dziaržavy jość pavaha da voli narodu, jaho movy, historyi i kultury.
U Słavakii ja pradstaŭlaju Biełaruś i biełaruski narod, jaki ŭ adpaviednaści z Kanstytucyjaj jość adzinaj krynicaj ułady ŭ našaj krainie.
Ja salidarny z tymi, chto vyjšaŭ na vulicy biełaruskich haradoŭ ź mirnymi šeściami, kab ich hołas byŭ pačuty. Jak uradženiec horada Žodzina ja — z Vami rabočyja «BiełAZa» i «Kavalskaha zavodu ciažkich štampovak»!
Ja ščyra spadziajusia, što budučynia majoj krainy budzie zasnavanaja na ŭliku pazicyj usich płastoŭ hramadstva i pradstaŭnikoŭ roznych palityčnych siłaŭ.
Biełarusy vypakutavali hetaje prava!
-
Navumčyk pra niezaležnaść Biełarusi: Pucin nie zdolny mabilizavać nivodnaha biełarusa na vajnu — nacyjanalnyja aŭtanomii Rasii nie majuć i hetaha
-
Muzykanty vydalajuć svaju muzyku sa Spotify, bo jon spansiruje kampaniju, jakaja vyrablaje tysiačy dronaŭ dla Ukrainy
-
U Biełarusi sioleta niama čarnic. Kali letaś narychtoŭščyki pryniali dziasiatki ton jahad, to sioleta — ničoha
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii37
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4545
Kamientary