Amierykanskija mutanty — svajaki partyzanaŭ ź biełaruskich lasoŭ.
Ludzi Ch: Rasamacha” (X-Men Origins: Wolverine) ZŠA – Novaja Ziełandyja – Aŭstralija, 2009, kalarovy, 120 chv.
Režysior: Hevin Hud
Roli vykonvajuć: Hju Džekman, Liŭ Šrajbier, Rajan Rejnalds, Barneł Bochask, Siłver Foks, Deni Hjustan
Žanr: Komiks-bajavik
Adznaka: 6 (z 10)
U dalokim XIX stahodździ padletak Łohan (jon ža Rasamacha) zabiŭ kipciurami ŭłasnaha baćku. Z taho času jon – i jahony brat Viktar (Šablazuby) – razam va ŭsich vajskovych kanfliktach. Ale paśla taho, jak u Vjetnamie vajary, spjaniełyja ad kryvi, pačali zabivać i svaich – bratoŭ rasstralali (biespaśpiachova). Z taho času los mutantaŭ źmianiŭsia: chitry pałkoŭnik Strajkier prapanavaŭ im pracavać na ŭrad. Šablazuby znajšoŭ asałodu ŭ złačynnych akcyjach, a Rasamacha vyrašyŭ adyści ad karnickich spraŭ. Ale źviarynaje minułaje tak prosta nie adpuskaje…
Komiksnaja karcina Hevina Huda pradkazalnaja, jak hamburhier u supiermarkiecie. Ašałamlalnyja bojki z kipciurami, skokami, hielikopteram, balet z šablami – i vočy, što spapialajuć. Stralanina – i spynienyja kuli; łabaratoryja padstupnych vajskoŭcaŭ – i hniusnyja ekśpierymienty.
Takija stužki hladziać nie dziela navizny. Zaŭziatary šukajuć u filmie starych hierojaŭ. Hambit – karciožny machlar z čaroŭnymi zdolnaściami; mutancicha Frost (z dyjamantava-ledzianoj skuraj).
Rasamacha – tłumačycca jak i adkul u jaho stalovyja kipciury (aktor Hju Džekman dziela hetaha nat aholenym biehaje).
Ale prahramavanuju stužku možna pračytać i niasumna. Liŭ Šrajbier (Šablazuby) – namiakaje na podźvihi inšaha svajho hieroja – Zusa Bielskaha, jaki partyzaniŭ ŭ biełaruskich lasach (i taksama nie vyłučaŭsia vytančanymi manierami). (Tak i bačyš bracikaŭ na padryvie ciahnikoŭ!) Hju Džekman – kanadski zmahar z amierykanskim impieryjalizmam (i duchoŭny svajak kašmarmejkiera Devida Kronenbierha). A pra ŭsich mutantaŭ niekali kazała jašče adna niedabitaja kinahierainia: “Vy źviary, panovie…”
Ciapier čytajuć
Administratarka «Štaba Anošak» vałodaje biełaruskaj kampanijaj, datyčnaj da pastavak sankcyjnych paŭpravadnikoŭ u vajujučuju Rasiju11
Administratarka «Štaba Anošak» vałodaje biełaruskaj kampanijaj, datyčnaj da pastavak sankcyjnych paŭpravadnikoŭ u vajujučuju Rasiju
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski77
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski7
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary