«Šachcior» Danieck - «Vierder» Bremien - 2:1. Vinšujem zaŭziataraŭ simpatyčnaj brazilskaj kamandy našaj paŭdniovaj susiedki.
«Šachcior» Danieck - «Vierder» Bremien - 2:1.
Daniecki «Šachcior» zavajavaŭ apošni ŭ historyi Kubak UEFA. Ad leta startuje novy prajekt — Liha Jeŭropy.
Finalny matč prajšoŭ učora ŭ Stambule na stadyjonie futbolnaha kłuba «Fienierbachče» — «Šokru Saračohłu».
Dla vyjaŭleńnia pieramožcy spatrebiŭsia dadatkovy čas. Na 25‑j chvilinie ukrainski brazilec (ci brazilski ŭkrainiec?) Łuis Adryanu adkryŭ lik. Na 35‑j brazilski lehijanier «Vierdera» «Nałdu» lik zraŭniaŭ. A pieramožnuju kropku pastaviŭ na 97‑j chvilinie jašče adzin brazilec danieckaha kłuba — Žadsan.
Usiaho za «Šachcior» učora zhulali piaciora brazilcaŭ (Žadsan, Iłsińju, Fiernandyńju, Vilian, Łuis Adryanu), na pole kłub z kapitanskaj paviazkaj vyvieŭ charvat Daryjo Srna. Razvan Rac — rumyn, Ihar Dulaj — sierb, Maryjuš Levandoŭski — palak, Andrej Piataŭ, Dmitro Čyhrynski, Alaksandr Kučar, Alaksiej Haj, Alaksandr Hładki — ukraincy. Hałoŭny trenier — Mirča Łučesku — rumyn. Sapraŭdny internacyjalny simpatyčny kłub
Pieramoha «Šachciora» stała pieršaj pieramohaj ukrainskaha kłuba na mižnarodnaj arenie ŭ postsaviecki čas.
Cikava, što i daniecki kłub, i bremienski pačynali siezon u Lizie čempijonaŭ.
«Šachcior» hulaŭ u adnoj hrupie z Barsiełonaj, «Bazelem», Sportynham, a «Vierder» — z «Interam», «Panacinaikasam» i «Anortasisam». Kamandy zaniali ŭ svaich hrupach trecija miescy i vybyli ŭ Kubak UEFA.
Ciapier čytajuć
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek44
Kamientary