Kamandzir AMAP HUUS Minharvykankama Dźmitryj Bałaba zajaviŭ, što jaho padraździaleńnie hatova da mahčymych viasnovych pratestaŭ. Pra heta jon paviedamiŭ u efiry telekanała STB, piša Tut.by.
— Dziejnaść našaha padraździaleńnia zaklučajecca ŭ tym, kab być u pastajannaj bajavoj hatoŭnaści, tamu my hatovyja zaŭsiody. I, paviercie, adkaz zaŭsiody budzie parytetnym — skazaŭ Bałaba, kamientujučy pytańnie ab mahčymych akcyjach pratestu viasnoj.
Jon taksama adznačyŭ, što tema zvalnieńniaŭ supracoŭnikaŭ AMAPa — heta prosta fikcyja.
— U luboj arhanizacyi hramadzianskaj idzie pastajanny ruch, pieramiaščeńnie. Chtości pieravodzicca, chtości znachodzić sabie novaje miesca, chtości sychodzić na piensiju — na ich miesca prychodziać maładyja, — zajaviŭ kamandzir staličnaha AMAPa.
Jon padkreśliŭ, što zaraz dynamika kamplektavańnia padraździaleńni navat lepšaja, čym u minułym i pazaminułym hadach.
Dźmitryj Bałaba taksama raspavioŭ, jak zmahajecca sa stresam.
— Ja vielmi lublu zajmacca sportam. Mienavita takim čynam i zdymaju stres. Fizičnyja nahruzki dzieści dapamahajuć pry vykanańni zadač. Hetak ža, jak i bolšaść supracoŭnikaŭ, jakija słužać u padraździaleńni.
-
Pradstaŭnik Uzbrojenych sił: Na vajskovuju adukacyju pastupajuć i chłopcy, jakija nabirajuć 400 bałaŭ z 400 mahčymych
-
Siarhiej byŭ u Połacku bieź miesca žycharstva. Majomaści nie mieŭ nijakaj, to syn praz sud vybivaŭ chacia b baćkaŭ vajskovy zarobak
-
U Barysavie razborki za syna skončylisia panažoŭščynaj
Kamientary