ByPol apublikavaŭ list ministra Kubrakova: skardzicca, što sudy Minskaj vobłaści dajuć demanstrantam štrafy i adpuskajuć
Inicyjatyva BYPOL apublikavała list ministra ŭnutranych spraŭ Ivana Kubrakova ŭ Radu biaśpieki, dasłany ŭ pačatku listapada 2020 hoda. Jon zaniaŭ pasadu niezadoŭha da taho, u kancy kastryčnika. U pres-słužbie MUS nazvali list fejkam.
Kubrakoŭ narakaje, što sudy Minskaj vobłaści dajuć zatrymanym demanstrantam štrafy i adpuskajuć ich. A heta, maŭlaŭ, nie spryjaje zhasańniu pratestaŭ.
Havorka idzie pra zatrymanych u Minsku aryštantaŭ, jakich adpravili ŭ Žodzina. Ich pratakoły razhladajuć sudździ z usioj Minskaj vobłaści — Vilejka, Červień, Słuck i h.d.).
Pryvodzicca prykład — paśla zatrymańniaŭ na akcyi 1 listapada sudździ Minskaj vobłaści razhledzieli 164 pratakoły, i dali sutki tolki adnamu čałavieku. 83 čałavieki byli aštrafavanyja i vyzvalenyja, jašče 80 pracesaŭ byli pieraniesienyja, tamu ludzi taksama vyjšli na svabodu.
A voś u Minsku ŭ toj ža dzień 66 razoŭ dali sutki i tolki 5 razoŭ štraf.
U suviazi z hetym Kubrakoŭ prosić u Rady biaśpieki «akazać sadziejańnie ŭ zabieśpiačeńni pryncypaŭ suvymiernaści pakarańnia adnosna ździejśnienych supraćpraŭnych dziejańniaŭ».
Nieŭzabavie sutki pačali davać i ŭ Žodzinie.
Onliner paprasiŭ pres-słužbu MUS prakamientavać hetuju publikacyju i, u pryvatnaści, udakładnić, ci realny heta dakumient.
Tam adkazali tak: «Infarmacyja pra list kiraŭnika MUS u Dziaržaŭny sakrataryjat Rady biaśpieki z «prośbaj paŭpłyvać na rašeńni, jakija vynosiacca sudami Minskaj vobłaści» — čarhovy fejk. Pa-pieršaje, ministr unutranych spraŭ nie moža vykazvać pazicyju adnaho tolki HUUS, a pa-druhoje, pytańni śledčych dziejańniaŭ i ich apieratyŭnaści nijak nie ŭvachodziać u kampietencyju orhanaŭ unutranych spraŭ. Nu i pa-treciaje, kab vyklučyć sumnievy, my ŭdakładnili ŭ kancylaryi MUS. Čakana, u adpraŭlenaj karespandencyi takoha lista nie značycca».
-
Fatohraf z Kalinkavičaŭ zasudziŭ Maskoŭski zaapark, jaki vykarystaŭ biez dazvołu jaho fota norki
-
«Heta jaho paduška biaśpieki». Na trasie pad Minskam zaŭvažyli niezvyčajny sposab pieravozki šyn
-
Łukašenka ŭviazaŭ vyzvaleńnie palitviaźniaŭ z adkryćciom amierykanskaha pasolstva i finansavymi pytańniami
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy20
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary