Z 1 lipienia 2026 hoda Japonija pavyšaje vizavyja zbory dla zamiežnych hramadzian. Heta pieršaje takoje pavyšeńnie z 1978 hoda, i jano vielmi istotnaje, paviedamlaje Japan Times.
Pavodle novych praviłaŭ:
- košt adnarazovaj vizy vyraście z 3000 da 15 000 jen (z kala 18,6 da 93 dalaraŭ);
- košt šmatrazovaj vizy — z 6000 da 30000 jen (z kala 37,2 da 186 dalaraŭ).
Ministr zamiežnych spraŭ Japonii zajaviŭ, što dziejnyja taryfy nie adpaviadali sučasnym ekanamičnym umovam. Pry vyznačeńni novych stavak ułady ŭličyli inflacyju i źmianieńnie valutnych kursaŭ za apošnija amal 50 hadoŭ.
Dadatkovyja srodki, atrymanyja ad pavyšeńnia cen na vizy, płanujuć nakiravać na apracoŭku ŭsio bolšaj kolkaści vizavych zajaŭ, raźvićcio prahram vyvučeńnia japonskaj movy i ŭzmacnieńnie kantrolu za nielehalnym znachodžańniem zamiežnikaŭ u krainie.
Urad krainy taksama adznačaje, što paśla pavyšeńnia košt japonskich viz stanie bolš blizkim da ŭzroŭniu mnohich zachodnich dziaržaŭ.
Pavodle aficyjnych źviestak, u mai Japoniju naviedali kala 3,56 miljona zamiežnych turystaŭ. Za pieršyja piać miesiacaŭ 2026 hoda krainu naviedali amal 17,94 miljona čałaviek.
Paśla matču čempijanatu śvietu zaŭziatary Japonii prybrali za saboj trybuny na stadyjonie
Jak luboŭ da katoŭ u Japonii pieratvaryłasia ŭ miljardnuju industryju
U Japonii zmahajucca ź miadźviedziami pry dapamozie «vaŭkoŭ-monstraŭ» z čyrvonymi vačyma
U Japonii papularny fiestyval admianili z-za napłyvu turystaŭ
Japoncy sa ślaźmi na vačach raźvitvajucca z pandami — žyviolin zabiraje Kitaj praz paharšeńnie adnosin pamiž krainami
Kamientary
Sobstvienno, učityvaja to, skolko turisty ostavlajut dienieh v stranie, vizy voobŝie dołžny byli by byť biespłatnymi, a to dierut dieńhi za pravo ostaviť naši krovno zarabotannyje dieńhi v ich stranie
Tiepieŕ v Kambodžu poleču.
Srakury za 96$ dorohovato.