Tramp pradstaviŭ svoj novy raskošny «Bort numar adzin» — jon moža kaštavać miljard dalaraŭ
Sam jon upieršyniu aficyjna skarystajecca im u pačatku lipienia.
Tramp pradstaviŭ svoj novy raskošny «Bort numar adzin» — samalot, jaki moža kaštavać miljard dalaraŭ, piša Bild.
Boeing 747-8, padorany jamu Kataram, byŭ całkam pieraabstalavany i madernizavany pa zamovie vajennaha ministerstva ZŠA.
Air Force One vyłučajecca «uzroŭniem raskošy, jakoha jašče nichto nikoli nie bačyŭ», zajaviŭ Tramp u svajoj pramovie na bazie Endrus pad Vašynhtonam. Samalot ličycca «samym raskošnym samalotam u śviecie», praciahnuŭ jon, i «kali vy jaho ŭbačycie, vy nie pavierycie — jakaść draŭniny, jakaść materyjałaŭ, jakaść ruchavikoŭ!». Novy samalot lataje «dalej i chutčej, čym luby papiaredni Air Force One», skazaŭ prezident ZŠA.
Camalot madernizavany ŭ płanie biaśpieki, suviazi i łahistyki. Aktualnych vyjaŭ interjeru pakul niama. Viadoma tolki, što kali katarskaja kirujučaja siamja bolš za dziesiać hadoŭ tamu nabyła hety luksavy samalot dla svajoj pryvatnaj fłatylii, jon byŭ bahata azdobleny. Amierykanskija čynoŭniki zajavili, što novy interjer budzie prykmietna padobny na raniejšy raskošny dyzajn.
Košt samoha Boeing 747‑8 pry pieradačy jaho Kataram aceńvaŭsia prykładna ŭ 400 miljonaŭ dalaraŭ. Paśla madernizacyi, pavodle danych Newsweek, People i avijacyjnych ekśpiertaŭ, jon moža dasiahać adnaho miljarda dalaraŭ.
Tramp abviaściŭ, što novy samalot, vierahodna, prymie ŭdzieł u avijašou na śviatkavańnie 250‑hodździa niezaležnaści ZŠA 4 lipienia. Sam jon upieršyniu aficyjna skarystajecca im u pačatku lipienia, kab palacieć na samit NATA ŭ Ankaru.
Ciapier čytajuć
Pad Słuckam padčas nielehalnych honak žonka nakiravała Range Rover u Subaru muža. Ciažka paciarpieli čaćviora1
Pad Słuckam padčas nielehalnych honak žonka nakiravała Range Rover u Subaru muža. Ciažka paciarpieli čaćviora
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1212
Kamientary