Biełarusy pavinny bankam bolš za 31 miljard rubloŭ, paviedamiła ŭ intervju «Bankaŭskamu vieśniku» namieśnica staršyni praŭleńnia Nacbanka Iłona Ladnickaja, piša Office Life.
Pa stanie na 1 červienia 2026 hoda zapazyčanaść nasielnictva pa kredytach skłała 31,1 miljarda rubloŭ. Z pačatku hoda jana vyrasła na 1,3 miljarda rubloŭ. Za hety čas banki zaklučyli kala 750 tysiač kredytnych damoŭ.
Pry hetym uzrovień praterminavanaj zapazyčanaści zastajecca nizkim. Pavodle danych Nacbanka, dola prablemnych daŭhoŭ składaje mienš za 0,2% ad usich kredytaŭ i kala 0,4% ad spažyvieckich kredytaŭ.
Siaredni pakazčyk daŭhavoj nahruzki pa spažyvieckich kredytach užo niekalki hadoŭ trymajecca na ŭzroŭni 27—28%. Dla paraŭnańnia: parohavaje značeńnie składaje 40%.
U Nacbanku adznačajuć, što banki mohuć vydavać kredyty i pry bolš vysokaj daŭhavoj nahruzcy, ale ich dola nie pavinna pieravyšać 10% kredytnaha partfiela. Ciapier takich kredytaŭ kala 7—8%.
Pa słovach Iłony Ladnickaj, ciapierašni ŭzrovień zakredytavanaści nasielnictva nie stvaraje pahrozy dla finansavaj stabilnaści krainy.
Pakazčyk daŭhavoj nahruzki vyznačajecca jak suadnosiny štomiesiačnych vypłat pa kredytach da siaredniamiesiačnaha dachodu čałavieka.
Z kanca 2025 hoda ŭ Biełarusi dziejničajuć novyja praviły raźliku hetaha pakazčyka: banki abaviazanyja ŭličvać infarmacyju pra ŭsie kredyty klijenta z Kredytnaha rehistra.
Minčuk, kab pahasić nieisnujučy kredyt, uziaŭ realny i straciŭ 30 000 rubloŭ
Svajaki machlaroŭ zapisali zvarot da Łukašenki. Kažuć, što tyja — zvyčajnyja biznesmieny, prosta skuplali techniku za kapiejki
Biełarusy zaraz mohuć brać kredyt na Wildberries
«Dvuchpakajoŭku ŭ Šabanach vystavili za 98 tysiač dalaraŭ, a pradali jašče daražej». Što adbyvajecca z cenami na kvatery?
Ciapier čytajuć
«Bulba» z Oršy pajšoŭ vajavać za Rasiju — ciapier siastra šukaje jaho ci chacia b jaho pareštki1
Kamientary