U vyniku rasijskaj ataki na Pałtaŭski rajon zahinuli dva čałavieki. Taksama paciarpieli 13 čałaviek, siarod ich šaściora dziaciej, paviedamlaje «Ukrainskaja praŭda».
Fota: DSNS Pałtaŭskaj vobłaści
Pavodle słoŭ kiraŭnika Pałtaŭskaj abłasnoj vajskovaj administracyi Vitala Dziakiŭniča, varožy ŭdar pryjšoŭsia pa terytoryi dvuch pradpryjemstvaŭ. U vyniku byli paškodžanyja vytvorčyja budynki, aŭtamabili i žyłyja damy pablizu.
Pad zavałami ratavalniki znajšli cieła adnaho čałavieka. Jašče adzin paciarpieły pamior u balnicy.
Taksama ŭ vyniku ataki adbyłosia avaryjnaje adklučeńnie elektraenierhii. Śpiecyjalisty pracujuć nad adnaŭleńniem elektrazabieśpiačeńnia.
Spačatku paviedamlałasia pra dzieviać paciarpiełych, adnak paźniej ich kolkaść pavialičyłasia da trynaccaci čałaviek.
Kamientary