Zbornaja Kiurasaa nie sastupiła Ekvadoru dziakujučy fienamienalnaj hulni svajho bramnika
37‑hadovy bramnik zbornaj Kiurasaa Ełoj Rom, jaki ciapier vystupaje za amierykanski kłub «Majami», staŭ hałoŭnym hierojem matča čempijanatu śvietu-2026 suprać Ekvadora. Dziakujučy jaho vydatnaj hulni debiutanty turniru zdoleli zdabyć histaryčny pieršy bał, zhulaŭšy ŭničyju — 0:0.
Ekvador u hetym matčy całkam daminavaŭ na poli: vałodaŭ miačom 75% času, vykanaŭ 642 pieradačy i stvaryŭ momantaŭ na 3,05 čakanaha hoła (xG). Adnak prabić Roma jon tak i nie zmoh.
Za matč hałkipier zrabiŭ 15 sejvaŭ — heta adzin z najlepšych pakazčykaŭ u historyi čempijanataŭ śvietu. Dla paraŭnańnia, rekord naležyć amierykanskamu bramniku Cimu Chovardu, jaki ŭ 2014 hodzie ździejśniŭ 16 sejvaŭ u matčy suprać Bielhii za 120 chvilin hulni. Rom ža amal paŭtaryŭ hetaje dasiahnieńnie za 90 chvilin asnoŭnaha času.
Užo na treciaj chvilinie jon vyratavaŭ kamandu paśla niebiaśpiečnaha ŭdaru Enera Valensii. Naprykancy pieršaha tajma Rom adbiŭ mocny streł Džona Jebaa, a ŭ druhim tajmie nie dazvoliŭ zabić Hansała Płacie i znoŭ vyratavaŭ varoty paśla ŭdaru Valensii amal z dvuch mietraŭ.
Akramia sejvaŭ, Rum kiravaŭ abaronaj Kiurasaa, jakaja dziejničała pa schiemie 5-4‑1 i zdoleła vytrymać pastajanny cisk sapiernika.
Dziakujučy hetaj ničyjoj Kiurasaa nabraŭ pieršaje ačko ŭ svajoj historyi na čempijanacie śvietu i navat zachavaŭ peŭnyja šancy na vychad u płej-of. Ełoj Rom byŭ pryznany najlepšym hulcom matča.
Matč 2‑ha tura ŭ hetaj samaj hrupie Je pamiž zbornymi Hiermanii i Kot-dJIvuara zaviaršyŭsia pieramohaj niemcaŭ ź likam 2:1. Pakolki ŭ pieršym matčy Hiermanija razhramiła Kiurasaa ź likam 7:1, jana ŭžo zabiaśpiečyła sabie vychad u płej-of. Na druhim miescy ŭ hrupie — Kot dJIvuar z tryma ačkami, u Ekvadora i Kiurasaa pa adnym.
Ciapier čytajuć
Prabityja lohkija, razarvanaja piečań i seks z małaletniaj: što adbyvajecca ŭnutry biełaruskaj milicyi i jak načalstva heta chavaje19
Prabityja lohkija, razarvanaja piečań i seks z małaletniaj: što adbyvajecca ŭnutry biełaruskaj milicyi i jak načalstva heta chavaje
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju44
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju4
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary