U knizie «Źmiena režymu» (Regime Change) reparcioraŭ New York Times Mehi Chabierman i Džonatana Svona siarod inšaha apisvajucca ŭzajemaadnosiny kiraŭnika Minfina Skota Biesenta i prezidenta Ukrainy Uładzimira Zialenskaha. Detali pryvodzić The Guardian.
Biesent raiŭ Donaldu Trampu nie prymać Uładzimira Zialenskaha ŭ Avalnym kabiniecie, nazvaŭšy ŭkrainskaha prezidenta «hetym maleńkim ubludkam», «dziciem z asablivymi patrebami» i «misteram Binam pad krekam», havorycca ŭ novaj knizie.
Apisvajucca abstaviny sustrečy Zialenskaha i Trampa 28 lutaha 2025 hoda ŭ Biełym domie.
«Niekalki pamočnikaŭ Trampa chvalavalisia» z-za mahčymaha vybuchu, kali Zialenski pryjedzie ŭ Bieły dom, nibyta dla taho, kab zamacavać pahadnieńnie pa karysnych vykapniach, raspracavanaje Biesentam, pišacca ŭ knizie. Tahačasny daradca pa nacyjanalnaj biaśpiecy Majk Uołc «sprabavaŭ — biespaśpiachova — danieści dumku, što Zialenski pavinien pryjechać u kaściumie». Biesent nastojliva rekamiendavaŭ Trampu navat nie puskać Zialenskaha ŭ Bieły dom, pakul toj nie padpiša pahadnieńnie.
«Ja mieŭ spravu z hetym maleńkim ubludkam», — kazaŭ Biesent kaleham pra Zialenskaha, pavodle knihi. — «Jon chitry. Jon jak dzicia z asablivymi patrebami dla jeŭrapiejcaŭ. I jon pavodzić siabie jak mister Bin pad krekam»».
Zialenski ŭsio ž pryjechaŭ, i Biesent znachodziŭsia ŭ pakoi, kali Vens učyniŭ dopyt hościu. «Inšyja prysutnyja bačyli, jak Vens pastupova čyrvanieŭ», — pišuć Chabierman i Svon, kali nastojlivaść Zialenskaha ŭ patrabavańni harantyj biaśpieki «pačała zdavacca Vensu dziorzkaściu i niaŭdziačnaściu».
«Źmiena režymu» taksama źmiaščaje mierkavanyja padrabiaznaści niaŭdałych dziejańniaŭ Biesenta pa pahadnieńni ab karysnych vykapniach. Da fijaska ŭ Avalnym kabiniecie ministr finansaŭ naviedaŭ Kijeŭ, kab prymusić Zialenskaha padpisać dakumient. Heta prajšło drenna.
«Na praciahu 45 chvilin mužčyny absypali adzin adnaho paprokami», — pišacca ŭ knizie. «Biesent pracavaŭ na svajoj pasadzie ŭsiaho niekalki dzion, a ŭžo ŭviazaŭsia ŭ svarku na pavyšanych tanach ź lidaram krainy, jakaja znachodzicca ŭ stanie vajny. Narešcie jon pahladzieŭ na Zialenskaha i skazaŭ: «Što, bł*dź, ty chočaš zrabić?»»
Jak paviedamlajecca, pieramovy zajšli ŭ tupik, pakul Biesent zmahaŭsia ź ministram handlu Hovardam Lutnikam nakont taho, jak pavinna być sfarmulavana pahadnieńnie. U rešcie rešt, pišuć u knizie, «Tramp paprasiŭ žonku Džej Dzi Vensa, Ušu, jakaja taksama źjaŭlajecca vypusknicaj Jurydyčnaj škoły Jela, vyvučyć ukrainskija praŭki ŭ pahadnieńnie ab minierałach. Jana nazvała dakumient «žachlivym» i surjozna pierapisała jaho ałoŭkam».
Ciapier čytajuć
Staruju kamianicu kala ratušy ŭ Mahilovie rychtavali dla haradskoha muzieja. Ciapier tam robiać ofis rasijskaha pasolstva na čale z byłym ministram «ŁNR»1414
Kamientary
Zdajecca mnie, Zialenski mocna ŭraziŭ Biesenta!)
A voś V.A.Zialenski aficyjna u maich kamientach nie )))