Samy chutki ŭ śviecie supierkampjutar vyvieli na poŭnuju mahutnaść
Japonski kampjutar «Fuhaku» budzie zadziejničany bolš jak u sotni roznych daśledavańniaŭ.
Cyrymonija z nahody zapusku na poŭnuju mahutnaść samaha chutkaha ŭ śviecie supierkampjutara «Fuhaku» adbyłasia ŭ aŭtorak u vyličalnym centry japonskaha Dziaržaŭnaha instytuta pryrodaznaŭčych navuk (Ryken) u horadzie Kobie. Pieršapačatkova ŭvieści jaho ŭ poŭny pracoŭny cykł mierkavali ŭ krasaviku, adnak hety praces było vyrašana paskoryć u tym liku z-za nieabchodnaści pravodzić ekstrannyja daśledavańni, źviazanyja z pašyreńniem karanavirusa, paviedamlajuć infarmahienctvy.
Častkova «Fuhaku» byŭ zapuščany ŭ krasaviku 2020 hoda. U červieni jaho pryznali samym chutkim u śviecie ekśpierty mižnarodnaha prajekta «Top-500», jakija vyznačajuć najbolš mahutnyja supierkampjutary na płaniecie. U listapadzie hety status byŭ druhi raz paćvierdžany. «Fuhaku» zaniaŭ taksama pieršaje miesca ŭ troch inšych katehoryjach, prademanstravaŭšy najlepšyja pakaźniki pry vykarystańni ŭ pramysłovaści, u śfiery štučnaha intelektu i pry analizie vialikich ličbaŭ.
Hety supierkampjutar stvorany elektratechničnaj karparacyjaj Fujitsu sumiesna sa śpiecyjalistami Ryken. Jon zdolny ździajśniać bolš za 415 kvadryljonaŭ vyličeńniaŭ u siekundu. Heta prykładna ŭ 2,8 raza pieravyšaje chutkaść supierkampjutara Summit z Nacyjanalnaj łabaratoryi ZŠA ŭ Ok-Rydžy (štat Tenesi), jaki raniej zajmaŭ pieršaje miesca ŭ rejtynhu, a ciapier apuściŭsia na druhi radok. Na trecim miescy taksama znachodzicca amierykanski supierkampjutar, a čaćviortuju i piatuju pazicyi zajmajuć mašyny z Kitaja.
«Fuhaku» budzie zadziejničany bolš jak u sotni roznych daśledavańniaŭ. Akramia prablem pandemii, jany, u pryvatnaści, źviazany z raspracoŭkami ŭ vobłaści štučnaha intelektu i prahnazavańniem nadvorja.
«Fuhaku» — adno z najmieńniaŭ śviatoj dla japoncaŭ hory Fudzi. Hetaje słova taksama pieraklikajecca z nazvaj karparacyi Fujitsu.
-
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf
-
U Rasii dla Android zrabili niezvyčajnuju kłavijaturu— jana adrazu pakazvaje termin za kamientar, što vy napisali
-
Navukoŭcy razhadali tajamnicu naradžeńnia Miesiaca
Ciapier čytajuć
«Ja jab*n, tamu i pajšoŭ». Małady biełarus kinuŭ ciažarnuju žonku i pajechaŭ na vajnu, paśla zdradziŭ joj dyj zahinuŭ5
«Ja jab*n, tamu i pajšoŭ». Małady biełarus kinuŭ ciažarnuju žonku i pajechaŭ na vajnu, paśla zdradziŭ joj dyj zahinuŭ
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1818
Kamientary