Palitviazień Aleh Korban niečakana vyjšaŭ na svabodu — na zakrytym sudzie jamu prysudzili chimiju
Aleh Korban niečakana vyjšaŭ na svabodu. Jamu pryznačyli nie pazbaŭleńnie, a abmiežavańnie voli (1,5 hoda). Jaho abvinavačvali pa častcy 1 i 2 artykuła 342 Kryminalnaha kodeksa (arhanizacyja i padrychtoŭka dziejańniaŭ, što hruba parušajuć hramadski paradak, albo aktyŭny ŭdzieł u ich).
Palitviazień Aleh Korban byŭ zatrymany paśla pieratrusu ŭ kvatery 25 kastryčnika 2020 hoda. Spačatku jamu prysudzili 15-sutkavy administracyjny aryšt pa art. 23.34 KaAP (udzieł u niesankcyjanavanym masavym mierapryjemstvie), a paśla jaho zakančeńnia pieraviali ŭ SIZA-1.
Aleh Korban naradziŭsia 4 lutaha 1985 hoda. Byŭ u «Maładym froncie», zatym u AHP. Źjaŭlaŭsia namieśnikam staršyni Minskaj haradskoj arhanizacyi AHP. Zajmaŭ pasadu staršyni Minskaha haradskoha adździaleńnia arhanizacyi «Maładyja demakraty».
Na prezidenckich vybarach 2010 hoda byŭ kiraŭnikom vybarčaha štaba kandydata Jarasłava Ramančuka pa h. Minsku.
Jašče ŭ 2007 hodzie, budučy siabram «Maładoha Frontu», prachodziŭ pa kryminalnaj spravie pa art. 193-1 KK (udzieł u niezarehistravanaj arhanizacyi), pravioŭ troje sutak u turmie KDB, byŭ pakarany štrafam.
Znoŭ zatrymany ŭ noč z 19 na 20 śniežnia 2010 h. paśla masavaj akcyi pratestu. Byŭ abvinavačany pa čč. 1 i 2 art. 293 KK (arhanizacyja masavych biesparadkaŭ i ŭdzieł u ich). 7 studzienia 2011 h. vyzvaleny z-pad varty pad padpisku ab niavyjeździe.
23 žniŭnia 2011 h. kryminalnaja sprava suprać jaho była zakrytaja «za adsutnaściu składu złačynstva».
-
«Dakazvała, što ja — heta ja». Biełaruska zakazała BADy ŭ ZŠA — i daviedałasia, što pavinna polskaj dziaržavie bolš za 5 miljonaŭ dalaraŭ
-
U Dubrovienskim rajonie znajšli abłomki savieckaha źniščalnika
-
U Breście mužčyna zdymaŭ u piensijanierki žyllo, a raźličvaŭsia hrašyma, skradzienymi ź jaje siejfa
Ciapier čytajuć
I pra realnych bandytaŭ, i pra kryvarukaha Kościu-plitačnika, i pra seks u ciahniku. Žurnalistka z Homiela napisała knihu — čytać jaje strašna i śmiešna1111
Kamientary