Na italjanskim kurorcie Maryna-dy-Pjetrasanta ledź nie adbyłasia trahiedyja ź biełaruskaj turystkaj. 30‑hadovaja žančyna pačała tanuć padčas kupańnia ŭ mory, piša Nazione.
Incydent adbyŭsia kala plažu «Eva». Na ščaście, toje, što adbyvałasia, svoječasova zaŭvažyli troje ratavalnikaŭ, jakija apieratyŭna kinulisia ŭ vadu i vyciahnuli jaje na bierah.
Adrazu paśla vyratavańnia supracoŭniki plažnaj słužby pačali pravodzić reanimacyjnyja mierapryjemstvy. Praz karotki čas na miesca zdareńnia prybyli miedyki na reanimabili i bryhada chutkaj dapamohi. Dziakujučy svoječasova akazanaj dapamozie biełaruska aprytomnieła.
Paśla akazańnia pieršaj dapamohi žančynu dastavili ŭ adździaleńnie nieadkładnaj dapamohi balnicy Viersilii.
Jaje stan aceńvajecca jak siaredniaj stupieni ciažkaści. Špitalizacyja była praviedziena pa tak zvanym «žoŭtym» kodzie, jaki ŭ Italii aznačaje, što niepasrednaj pahrozy žyćciu pacyjentki niama.
Kamientary
Pusť v Naroči kupajetsia, cieleje budiet