Sud Centralnaha rajona 13 žniŭnia praciahnie razhlad pazovu zajavy ad MUS ab pryznańni infarmacyjnaj pradukcyi partała TUT.BY i jaho sacyjalnych sietak ekstremisckimi materyjałami. Adnak Ministerstva ŭnutranych spraŭ vyrašyła dapoŭnić pazoŭ novymi patrabavańniami — i pryznać ekstremisckim i Zerkalo.io.
8 lipienia padčas manitorynhu internetu supracoŭniki MUS vyjavili miedyja-resurs Zerkalo.io.
«Na internet-resursie Zerkalo.io žurnalistami kamandy TUT.BY praciahvajecca infarmacyjny cisk, nakiravany na raźmiaščeńnie infarmacyi z uchiłam na dyskredytacyju orhanaŭ dziaržaŭnaj ułady, infarmacyja padajecca adnabakova, ź niehatyŭnaj acenkaj dziejnaści dziaržaŭnych orhanaŭ, dzie zavualavana (ad treciaj asoby) pad vyhladam infarmacyjnych paviedamleńniaŭ farmirujecca kantent, jaki stvaraje masiravany infarmacyjny cisk na padpisčykaŭ, ažyćciaŭlajecca prapahanda pratesnaj aktyŭnaści ŭ hramadstvie (tak zvanyja fłeš-moby), nakiravanaja na farmavańnie i ŭžyvańnie pratesnaha nastroju siarod hramadzian i destabilizacyju hramadskaj abstanoŭki ŭ krainie», — havorycca ŭ abhruntavańni ŭstanovy.
Partał u svaim paviedamleńni adznačaje, što bolšaja častka kamandy TUT.BY nie maje da Zerkalo.io nijakaha dačynieńnia.
Taksama MUS prosić pryznać ekstremisckimi łahatypy (ličbavyja vadzianyja znaki) TUT.BY i Zerkalo.
Jakija mienavita materyjały Zerkalo.io vyklikali pretenzii ŭ MUS, pakul nieviadoma.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Ciapier čytajuć
Łukašenka: Abmiarkoŭvajem z ZŠA vyzvaleńnie palitviaźniaŭ21
Kamientary