U Ministerstvie antymanapolnaha rehulavańnia i handlu Biełarusi paraŭnali, kolki kaštuje prajechać 100 kiłamietraŭ na elektramabili i na zvyčajnym aŭtamabili ź bienzinavym ruchavikom. Vyśvietliłasia, što navat paśla pavyšeńnia taryfaŭ na elektraenierhiju elektrakar usio roŭna abychodzicca tańniej.
Kali zaradžać elektramabil na pavolnaj zaradnaj stancyi ź pieramiennym tokam, to 100 km šlachu buduć kaštavać prykładna 8,7 rubla (pry siarednim raschodzie 15,8 kVt·h na 100 km). Pry chutkaj zaradcy pastajannym tokam vydatki pavialičvajucca prykładna da 11,5 rubla.
Jašče tańniej atrymlivajecca, kali zaradžać aŭtamabil doma. U dzionny čas heta kala 4,7 rubla za 100 km, a pa načnym taryfie — kala 2,8 rubla.
Dla paraŭnańnia: aŭtamabil na bienzinie AI-95 z raschodam kala 7,4 litra na 100 km pry canie 2,6 rubla za litr patrabuje prykładna 19,2 rubla na takuju ž adlehłaść.
Pavodle danych za 2025 hod, u Biełarusi naličvałasia kala 54 tysiač elektramabilaŭ. Da 2030 hoda płanujecca pavialičyć ich kolkaść prykładna da 300 tysiač. Zaraz u krainie pracuje kala 2,1 tysiačy zaradnych stancyj.
U Biełarusi z 1 lutaha pavysilisia taryfy na elektraenierhiju dla jurydyčnych asob i pradprymalnikaŭ. Z-za hetaha z 10 sakavika padaražeła i zaradka na stancyjach sietki Malanka: pavolnaja — da 0,55 rubla za kVt·h, chutkaja — da 0,73 rubla.
Kamientary
Minus tamožiennyje płatieži i NDS 0%.
Potom ta ekonomija,pro kotoruju v staťje.
Potom druhaja dinamika i komfort.
Pośle električki nazad na bienzinku nie ochota.