Saudaŭski naftahazavy hihant choča nabyć ukrainskija drony-pierachopniki
Hałoŭnaje naftahazavaje pradpryjemstva Saudaŭskaj Aravii Saudi Aramco viadzie pieramovy z ukrainskimi vytvorcami bieśpiłotnikaŭ ab zakupcy dronaŭ-pierachopnikaŭ dla abarony naftapramysłovaj infrastruktury ad atak z dapamohaj BPŁA, paviedamlaje The Wall Street Journal.
Pavodle infarmacyi krynic vydańnia, havorka idzie minimum pra dźvie kampanii — SkyFall i Wild Hornets, jakija vypuskajuć bieśpiłotniki-pierachopniki. Hetyja aparaty pryznačanyja dla fizičnaha źniščeńnia varožych BPŁA albo šlacham pramoha taranu, albo padryvu pobač z cellu.
Aramco imkniecca zaklučyć ździełki jak maha chutčej, apiaredžvajučy intaresy dziaržaŭnych struktur Saudaŭskaj Aravii i rehijanalnych kankurentaŭ, uklučajučy Katar.
Akramia pierachopnikaŭ, abmiarkoŭvajucca srodki radyjoelektronnaj baraćby ad kampanii Phantom Defense, zdolnyja hłušyć kanały kiravańnia i navihacyi vorahaŭ.
Kali pahadnieńni buduć dasiahnutyja, ukrainskija technałohii mohuć stać častkaj sistemy abarony naftapradpryjemstvaŭ i pierapracoŭčych kompleksaŭ Saudaŭskaj Aravii.
Ukraina prapanoŭvała ZŠA technałohii procidziejańnia iranskim bieśpiłotnikam. Tyja nie zacikavilisia, ciapier ličać heta «najbolšym promacham»
Za tydzień vajny ź Iranam krainy Blizkaha Uschodu vykarystali bolš rakiet Patriot, čym atrymała Ukraina za čatyry hady vajny
Zialenski prapanavaŭ krainam Blizkaha Uschodu pamianiacca z Ukrainaj: rakiety dla Patriot na ŭkrainskija drony-pierachopniki
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary
Dla Ukrainy takaja ŭhoda aznačaje nie tolki finansavuju padtrymku abaronnaha siektara, ale i faktyčnaje stvareńnie vajenna-techničnaha aljansu z adnoj z samych bahatych krain śvietu.