Znakamitaja biełaruskaja himnastka adkryła ŭ Minsku studyju dla trenirovak
Mastackaja himnastka Aryna Cycylina dvojčy pradstaŭlała Biełaruś na Alimpijadzie. Hulni ŭ 2021 hodzie stali dla jaje apošnimi. Paśla dziaŭčyna zarablała na praviadzieńni majstar-kłasaŭ, a letaś adkryła studyju dla trenirovak u «Minsk-Śviecie».
Faktyčna havorka idzie pra rebrendynh studyi, jakaja isnavała raniej, ale Aryna biez honaru nazyvaje siabie zasnavalnicaj Artstretch space. U svaim telehram-kanale spartsmienka piša, što maryła stvaryć žanočuju prastoru piać hadoŭ.
Słohan taki: «Uśviadomleny ruch zamiest honki za ideałam».
Znachodzicca studyja ŭ «Minsk-Śviecie» — na vulicy Bryleŭskaj. Akramia zaniatkaŭ pa takich napramkach jak piłates, aera-stretčynh, joha i inšych, tut pravodziacca roznyja mierapryjemstvy — naprykład, rośpis śviečak ci stvareńnie karty žadańniaŭ.
Ranišni (da 14:00) abaniemient na čatyry zaniatki kaštuje 86 rubloŭ, zvyčajny — 92. Indyvidualnyja zaniatki — ad 59 rubloŭ. Jość i strohija praviły — naprykład, kali admianić treniroŭku mienš, čym za hadzinu, jaje ŭsio roŭna śpisvajuć z abaniemienta.
Nahadajem: sama Aryna naradziłasia ŭ Rasii, tam ža pačała zajmacca sportam. U 2013 hodzie talenavituju dziaŭčynu na spabornictvach u Ispanii zaŭvažyła Maryna Łobač i zaprasiła ŭ Biełaruś. Aryna prapanovu pryniała, pierajechała i pačała vystupać za našu krainu.
Aryna Cycylina — dvuchrazovaja čempijonka Jeŭrapiejskich hulniaŭ (2015 i 2019 hady), čempijonka Jeŭropy 2016 hoda. Na Alimpijskich hulniach u składzie biełaruskaj kamandy jana była dvojčy — i ŭ 2016, i ŭ 2021 hodzie biełaruskija mastackija himnastki zaniali piataje miesca.
Ukrainskaha skieletanista Hieraskieviča dyskvalifikavali na Alimpijadzie za šlem z fotazdymkami zahinułych na vajnie spartoŭcaŭ
Prapanovu Mielicinie Staniucie abrańnik zrabiŭ na dźviuch movach: adna ź ich — biełaruskaja
Pavietranaja himnastka pakazała zakuliśsie pracy ŭ Biełdziaržcyrku
Maksim Niedasiekaŭ vystaviŭ na prodaž mašynu. Śćviardžaje, što choča nabyć nieruchomaść
Kamientary