Na rynku ŭ Ždanovičach zapeŭnili, što jon nie źniknie, a tolki pierabudujecca
Apošnim časam u sacyjalnych sietkach i miedyja šyroka abmiarkoŭvajuć demantaž handlovych radoŭ u rajonie HC «Ždanovičy». Kažuć navat, što praz budaŭnictva novaha puciepravoda lehiendarny rynak moža źniknuć, ale ahienctva «Minsk-Naviny» śćviardžaje, što heta nie tak. Nasamreč rynak, maŭlaŭ, nie zakryvajecca, a pierabudoŭvajecca.
U minułym hodzie pačałasia praca nad prajektam puciepravoda, jaki złučyć Centralny i Frunzienski rajony. Most pavinien dapamahčy pazbavicca ad zatoraŭ i palehčyć vyjezd na MKAD i ŭ bok Zasłaŭla. Novy ŭčastak vulicy Kaleśnikava prakładuć nad čyhunkaj i terytoryjaj rynku. U suviazi z hetym, jak havorać u administracyi, uźnikła techničnaja nieabchodnaść pieranosu niekatorych paviljonaŭ.
Namieśnica načalnika kamiercyjnaha adździeła Alesia Patockaja raskazała, što pieranos pačaŭsia kala miesiaca tamu: paviljony kala HC «Śviet mody 2» ciapier raźmieščanyja pobač z HC «Śviet mody 1» i na asnoŭnaj placoŭcy «Modnaha kvartała». Paviljony zoabataničnaha rynku pierajšli ŭ raniejšuju zonu «Mebli».
Na rynku kala 2450 handlovych punktaŭ, ź ich pad pieranos trapiła 185 — bolšaść rečavaha i častka zoabataničnaha rynku. Pa słovach Patockaj, amal usie arandatary zastalisia, admovilisia ad dalejšaj pracy tolki 2—3 punkty. U sacyjalnych sietkach ža, maŭlaŭ, situacyja pierabolšvajecca.
Pieranos paviljonaŭ adbyvajecca płaŭna: častka pieramiaściłasia tolki na niekalki dziasiatkaŭ mietraŭ, niekatoryja jašče adkrytyja dla pakupnikoŭ. Pradprymalnica Aksana, jakaja pradaje chatnich žyvioł, adznačaje, što pierajezd napružvaje, bo transpartavańnie žyvioł składanaje. Ale administracyja rynku zapeŭnivaje, što novaje miesca ŭ «Modnym kvartale» budzie prastornym i zručnym dla ŭsich.
Inšyja apytanyja handlary zapeŭnivajuć, što pierabudovaj zadavolenyja: maŭlaŭ, hałoŭnaja prablema sučasnych rynkaŭ — kankurencyja internet-placovak, a novy most, naadvarot, pavialičyć prachodnaść pakupnikoŭ. Usie kramy, uklučajučy i vjetnamskuju kaviarniu «Sajhon», nibyta pracujuć u zvyčajnym režymie, choć i ŭ novych łakacyjach.
Na Ždanovičach źnieśli lehiendarny «Sajhon»
Prajezd u minskaj maršrutcy, što mieŭsia padaražeć da piaci rubloŭ, budzie kaštavać mieniej
Na MKAD pačali rekanstrukcyju adnaho z mastoŭ
«Śvińni zarochkali. Biez vady daŭno nie siadzieli, ja b im adklučyŭ». Azaronak abrynuŭsia na žycharoŭ rajona Lebiadziny
Prestyžnyja mikrarajony Minska pieratvarylisia ŭ minnaje pole — novaja prablema
Ciapier čytajuć
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju15
Kamientary