U AAN biełaruskaja dypłamatka vyrvała z ruk Paliny Šarendy-Panasiuk partret palitźniavolenaj Volhi Majoravaj VIDEA
Pradstaŭnicaj Respubliki Biełaruś pry adździaleńni AAN i inšych mižnarodnych arhanizacyjach u Ženievie Łarysa Bielskaja raskazvała ŭ Ženievie padčas 61‑j siesii Rady AAN pa pravach čałavieka pra toje, jak u Biełarusi šanujuć žančyn, piša «Viasna». U peŭny momant da jaje padyšła byłaja palitźniavolenaja Palina Šarenda-Panasiuk z fotazdymkami inšych palitźniavolenych žančyn.
Palina Šarenda-Panasiuk pryniesła fotazdymki palitźniavolenych Volhi Majoravaj i Aleny Łazarčyk. Razzłavanaja Bielskaja vyrvała fotazdymak Majoravaj z ruk Paliny.
Nahadajem, što 59‑hadovaj Volzie Majoravaj prysudzili 21,5 hoda źniavoleńnia pa «spravie Aŭtuchoviča». Jana ŭ źniavoleńni z 4 studzienia 2021 hoda i ryzykuje całkam stracić zrok u turmie.
51‑hadovaja Alena Łazarčyk za kratami z 30 śniežnia 2021 hoda, jaje prysud — 9 z pałovaj hadoŭ pazbaŭleńnia voli.
Abiedźvie žančyny adbyvajuć pakarańnie ŭ kałonii № 24 dla recydyvistak u Zareččy Rečyckaha rajona.
Łarysa Bielskaja ŭ lutym 2022 hoda była pryznačanaja Łukašenkam pastajannaj pradstaŭnicaj Respubliki Biełaruś pry Adździaleńni AAN i inšych mižnarodnych arhanizacyjach u Ženievie.
«Mnie kazali: Łarysa, ty zvodziš ludziej z rozumu». Što za «žaleznaja łedzi» abaraniaje ŭ Ženievie režym Łukašenki
«Nam takija fakty nieviadomyja». Jak łukašenkaŭskija čynoŭniki adbivalisia ŭ Ženievie ad niazručnych pytańniaŭ Kamiteta AAN
164 žančyny za kratami: što viadoma pra palityčny pieraśled žančyn u Biełarusi
Viktoryja Kulša: Rečyckaja kałonija — heta piekła
Ciapier čytajuć
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach1212
Kamientary