Staršynia TBM Alena Anisim: My nie majem iluzij, kali pryniata palityčnaje rašeńnie, nas čakaje zakryćcio
Pra heta zajaviła ŭ kamientary BiełaPAN staršynia Tavarystva biełaruskaj movy imia Franciška Skaryny Alena Anisim.
U lipieni ad Ministerstva justycyi hramadskaja arhanizacyja atrymała dva piśmovyja papiaredžańni za niesvoječasova pieradadzienyja dakumienty, jakija čynoŭniki patrabavali ŭ miežach pazapłanavaj pravierki.
Pa słovach Anisim, byli pavažnyja pryčyny, čamu nie ŭdałosia svoječasova pradastavić dakumienty. Jana była ŭ izalacyi i zabrała list Miniusta tolki za dzień da paznačanaj daty — 14 lipienia. Tym nie mienš, u toj dzień supracoŭniki TBM nakiravali ŭ Miniust častku zapytanych dakumientaŭ. Nie ŭdałosia adpravić buchhałtarskuju dakumientacyju, pakolki raniejšaja buchhałtarka pamierła, a buchhałtarka «Našaj Nivy» Volha Rakovič, jakaja dapamahała arhanizacyi pa damovie padradu, na toj momant była zatrymanaja.
U ofisie TBM 15 lipienia prajšoŭ pieratrus. Usie hetyja akaličnaści Anisim paznačyła ŭ liście da Ministerstva, ale adkazam było papiaredžańnie, a paśla jašče adno.
«My viedajem, kali dadzieny zahad arhanizacyju zakryć, jany zakryjuć, niahledziačy ni na što», — kaža staršynia TBM.
Tavarystva biełaruskaj movy było zasnavanaje ŭ 1989 hodzie. U rozny čas arhanizacyju ŭznačalvali Nił Hilevič, Hienadź Buraŭkin, Aleh Trusaŭ. Alena Anisim stała staršynioj TBM vosieńniu 2017-ha, kali była deputatam Pałaty pradstaŭnikoŭ.
-
Ciahnikovamu dyśpietčaru, aryštavanamu za karupcyju, dadali abvinavačańnie ŭ «zdradzie dziaržavie»
-
U Minsku pieradumali znosić chruščoŭki. Renavacyja zakranie dvuch-trochpaviarchovyja damy
-
Cichanoŭskaja abmierkavała ź ministram zamiežnych spraŭ Ukrainy detali pryznačeńnia novaha śpiecpasłańnika ŭ Biełarusi
Ciapier čytajuć
U Minsku pieradumali znosić chruščoŭki. Renavacyja zakranie dvuch-trochpaviarchovyja damy1
Kamientary