Taksist-mihrant z Wildberries udaryŭ biełarusku pa tvary — taja pierad hetym paprasiła zrabić muzyku cišej
Kaciaryna Kraŭčanka sieła ź siabroŭkaj u taksi, kab dajechać z pracy dadomu. Ale ž nie čakała, što paśla pajezdki daviadziecca vyklikać milicyju.
Pra tuju pajezdku Kaciaryna raskazała ŭ sacsietkach. Pavodle słoŭ dziaŭčyny, jana ź siabroŭkaj zvyčajna vyklikajuć taksi, kab trapić paśla pracy dadomu, tak zrabili i ŭ hety raz. Dziaŭčaty vybrali servis «WB Taxi».
Prablemy z kiroŭcam pačalisia z samaha pačatku — jon padjechaŭ nie tudy, dzie jaho čakali. Mahčymaści pazvanić jamu nie było, raskazvaje Kaciaryna, tamu jana skinuła fota miesca, kudy treba było padjechać.
Narešcie sieli ŭ taksi:
«Jedziem, jon padaŭsia dziŭnym, ale my čakali jaho 15 chvilin i treba było jechać, bo času nie było. U niejki momant jon pačynaje ŭklučać muzyku vielmi hučna, nibyta ty ŭ niejkim kłubie. Ja paprasiła: «Zrabicie, kali łaska, cišej», — a jon nam kaža, kab zakryli rot».
Kaciaryna zrabiła zaŭvahu kiroŭcu, što jon na pracy i nie pavinien tak razmaŭlać z pasažyrami:
«Jon mnie adkazvaje: «Ja nie pracuju». A jon na samoj spravie vielmi drenna pa-rusku razmaŭlaje, heta nie ruski. Ja tady skazała, što budu ŭsio fiksavać na kamieru telefona, bo takaja kamunikacyja niedapuščalnaja».
U adkaz na heta, śćviardžaje Kaciaryna, kiroŭca pačaŭ pakazvać pasažyrkam nieprystojny žest i maciukacca. Jon vybiŭ u Kaciaryny telefon z ruk.
«Telefon padaje mnie na kaleni, ja apuskaju hałavu i kažu Juli, kab zdymała. Tady jon bje mianie pa tvary», — płača dziaŭčyna.
Kaciaryna apublikavała i zapis, zrobleny, vyhladaje, toj samaj Julijaj — na im bačna, jak taksist zamachvajecca na dziaŭčynu. Paśla pajezdki Julija vyklikała milicyju, i taksista chutka znajšli. Kaciaryna nie ŭdakładniaje, jakija jašče nastupstvy byli ŭ taho zdareńnia i što čakaje taksista.
«Paśla hetaj situacyi nie viedaju, jak možna jeździć na taksi, u mianie źjaviŭsia niejki paničny strach pierad usimi. Mnie padajecca, što jon zaraz daviedajecca moj adras, bo heta maksimalna nieadekvatny čałaviek», — dzielicca Kaciaryna.
«Naša Niva» — bastyjon biełaruščyny
PADTRYMAĆPalicejski viedaŭ, što Rasija nie vydaje svaich hramadzian, ale vymahaŭ $22 tysiačy ŭ zabojcy, jaki bajaŭsia ekstradycyi ŭ Biełaruś
«Nie zmahła admović sabie ŭ zadavalnieńni patrolić». Jak biełarusy razmaŭlajuć z telefonnymi afierystami
Jak žyvuć Maŭšuki ź Pinska — u 2020‑m muža i žonku pasadzili, a dziaciej źbiralisia adpravić u prytułak
Ciapier čytajuć
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny26
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary
[Zredahavana]