U turmie pamior były supracoŭnik KDB Mikałaj Varapaj, asudžany za špijanaž na karyść Ukrainy
Pravaabaroncam stała viadoma pra śmierć u navapołackaj kałonii № 1 byłoha vysokapastaŭlenaha supracoŭnika KDB Mikałaja Varapaja, piša «Viasna».
Mikałaj Varapaj nie byŭ pryznany palitviaźniem: pavodle aficyjnaj viersii, jaho zatrymali ŭ 2017 hodzie pry sprobie pieradać ukrainskim śpiecsłužbam sakretnyja dakumienty, źviazanyja z vučeńniami «Zachad-2017».
U studzieni 2024 hoda dziaržaŭnaje telebačańnie pakazała prapahandyscki film pra jaho spravu. U im Varapaj pryznavaŭ vinu, zajaŭlaŭ, što ličyć prysud spraviadlivym i nie źbirajecca jaho abskardžvać. Pry hetym jon kazaŭ, što najbolš baicca pamierci ŭ kałonii.
Pavodle infarmacyi «Viasny», u pieryjad, kali palitviaźniam aktyŭna prapanoŭvali padpisvać prašeńni ab pamiłavańni, takuju mahčymaść atrymaŭ i Varapaj. Paśla admovy na mužčynu pačaŭsia cisk: supracoŭniki KDB nibyta rehularna pryjazdžali da jaho ŭ kałoniju, patrabujučy padpisać adpaviednyja dakumienty. Paviedamlajecca, što paśla hetaha jaho źmiaścili ŭ štrafnym izalatar, dzie hetyja vizity praciahvalisia.
Pavodle infarmacyi pravaabaroncaŭ, Varapaj pamior u 2024 hodzie padčas znachodžańnia ŭ ŠIZA. Mahčymaj pryčynaj śmierci krynicy «Viasny» nazyvajuć insult. Niezaležnaha paćviardžeńnia hetych źviestak pakul niama. U źniavoleńni Varapaj mieŭ biełuju birku, jakaja apošnija hady vykarystoŭvajecca dla asudžanych pa niepalityčnych artykułach.
Nasta Daškievič raspaviała pra dzień śmierci Alesia Puškina — «dzień, kali ŭ Biełarusi bol pamnožyŭsia na bol»
«A potym čuju voklič kantralora: «Puškin, ty što daŭbanuŭsia?». Mikałaj Dziadok raskazaŭ pra apošnija dni Alesia Puškina ŭ turmie
«Ja nie chadžu ŭ sud, mianie nosiać u kajdankach». List Alesia Puškina da Valancina Stefanoviča z-za krataŭ
Ciapier čytajuć
Minčanka Anhielina, jakaja prasiła ŭ Łukašenki kvateru za trojniu, atrymała žyllo6
Minčanka Anhielina, jakaja prasiła ŭ Łukašenki kvateru za trojniu, atrymała žyllo
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»1111
Kamientary
Nie čytaŭ by jašče studentam, u siaredzinie 80-ch, pra čyrvonych kchmieraŭ i masavyja zabojstvy imi źniavolenych i ich dziaciej, jakija pracavali na rysavych palach Kambodžy, nie chvalavaŭsia b.
Łukabve užo prymiervajecca.