U polskim Bydhaščy znajšli mužčynu i žančynu, jakija napali na siamiejnuju paru ź Biełarusi
Za imi budzie ŭstanoŭleny palicejski nahlad
Palicyja Bydhašča ŭstanaviła asobaŭ mužčyny i žančyny, jakija 18 lipienia spravakavali kanflikt ź siamiejnaj paraj ź Biełarusi. Padazravanym inkryminujuć publičnuju abrazu na hlebie nacyjanalnaj prynaležnaści i parušeńnie cialesnaj niedatykalnaści. Pra heta paviedamlajecca ŭ paviedamleńni haradskoj kamiendatury palicyi Bydhašča, piša Most.
Jak pisałasia, u subotu kala 12:00 Alena i Vital pajšli ŭ kramu. Jany čakali aŭtobus na prypynku, kali tudy padyšli mužčyna, žančyna i dvoje dziaciej.
Spačatku mužčyna puskaŭ cyharetny dym prosta ŭ tvar Alenie, paśla pačaŭ naŭmysna plavać joj na śpinu i koftu. Kali muž zastupiŭsia za biełarusku, kanflikt pieraros u bojku. Akramia taho, nieviadomyja abražali biełarusaŭ na nacyjanalnaj hlebie.
Kali Alena pasprabavała źniać toje, što adbyvałasia, na telefon u jakaści dokazu, žančyna vychapiła ŭ jaje mabilnik. Alena zapatrabavała viarnuć pryładu, ale žančyna kinuła telefon u jaje, paśla čaho nakinułasia na biełarusku. Vital pasprabavaŭ ich raźniać, adnak u hety momant padbieh mužčyna, jaki raniej paliŭ i plavaŭsia, i pačaŭ nanosić jamu ŭdary.
— U muža ŭvieś tvar i majka byli ŭ kryvi. Łob byŭ raźbity, nad bryvom — raśsiačeńnie, z nosa ciakła kroŭ, — uspaminała Alena. — Ja vielmi mocna spałochałasia.
Alena patelefanavała pa adzinym numary ekstrannych słužbaŭ 112. Na miesca pryjechali palicyja i chutkaja dapamoha. Vitala dastavili ŭ balnicu.
U toj ža dzień, kala 21:40, supracoŭniki palicyi Bydhašča ŭstanavili asoby i zatrymali dvuch čałaviek, datyčnych da hetaha złačynstva. Imi akazalisia 42‑hadovy mužčyna i 31‑hadovaja žančyna, abodva — žychary Bydhašča.
Jany buduć adkazvać za publičnuju abrazu paciarpiełych z-za ich nacyjanalnaj prynaležnaści, a taksama za parušeńnie cialesnaj niedatykalnaści mužčyny.
20 lipienia prakuror užyŭ da ich mieru strymańnia ŭ vyhladzie palicejskaha nahladu. Za takoje złačynstva polskaje zakanadaŭstva praduhledžvaje pakarańnie ŭ vyhladzie pazbaŭleńnia voli na termin da troch hadoŭ.
Ciapier čytajuć
Aryštavany ministr pryrodnych resursaŭ vybraŭ «stratehiju Bryło»11
Kamientary
Nie ŭjaŭlaju siabie kab niedzie ŭ našaj krainie na prypynku z darosłych ludziej niechta stajaŭ by i plavaŭ na žančynu, a astatnija darosłyja hramadzianie spakojna na heta hladzieli i nie zrabili b zaŭvahi, nie vyrašyli b zastupicca. Tym bolš śmianialisia b z hetaha. Nie ŭjaŭlaju siabie takoha.
Jak nie mahu ŭjavić kab ŭ hramackim aŭtobusu darosły mužyk čaplaŭsia b da dziaciej padletkaŭ i abražaŭ by ich za toje što dzieci ź inšaj krainy (asobny treš jaki jeść ŭ siecivie).
Pry tym što i hetaja žančyna i tyja dzieci navat majuć taki ž koler skury i tym bolš z taboju razmaŭlajuć na movie tvajho narodu. Jany źniešnie ni ŭ čym nie adroźnivajucca ad žančyn i dziaciej tvajho narodu. Dy i movu viedajuć što vialiki + im. Ŭžo heta śviedčyć što jany pavažajuć narod, kulturu i krainu ŭ jakoj žyvuć.
Ŭ nas navat da kitajca jaki razmaŭlaje pa-biełarusku ŭžo za heta vialikaja pavaha i pašana.