Na Vaładarcy pa «narodnym» artykule siadzić były śledčy Jahor Viaršynin. Što pra jaho viadoma?
11 červienia byŭ zatrymany były śledčy Jahor Viaršynin. Jon znachodzicca na Vaładarcy. Sens pretenzij da jaho, jak i bijahrafija hetaha čałavieka, hramadstvu byli nieviadomyja. «Naša Niva» daviedałasia pra heta ŭ svajakoŭ.
Jak akazałasia, Jahor abvinavačany pa častcy 1 artykuła 342 KK — «Arhanizacyja i padrychtoŭka dziejańniaŭ, što hruba parušajuć hramadski paradak, albo aktyŭny ŭdzieł u ich».
Paśla pieratrusu jon byŭ źmieščany pad vartu i dahetul znachodzicca na Vaładarcy.
Jahoru 31 hod. Jon naradziŭsia va Ukrainie, bo na toj čas tam prachodziŭ vajennuju słužbu jaho baćka, ale vyras jon u Homieli, tam ža skončyŭ himnaziju №56. Padčas vučoby asabliva cikaviŭsia zamiežnymi movami i historyjaj — byŭ pryzioram haradskich i abłasnych alimpijad.
«Ź dziacinstva zachaplaŭsia čytańniem, addavaŭ pieravahu sučasnaj litaratury, zajmaŭsia volnaj baraćboj i cikaviŭsia futbołam. Vybar VNU i śpiecyjalnaści (jurydyčny fakultet BDU) byŭ jaho samastojnym rašeńniem, roŭna jak i śpiecyjalizacyi nadalej (sudova-prakurorska-śledčaja dziejnaść). U 2013-m jon skončyŭ jurfak, u 2016-m — mahistraturu i abaraniŭ mahistarskuju pracu pa temie «Mietodyka rasśledavańnia padatkovych złačynstvaŭ», — kaža brat.
Paśla skančeńnia jurfaka Jahor pajšoŭ słužyć u Saviecki SK horada Minska, paźniej padniaŭsia ŭ minski SK i, u vyniku, u Centralny aparat.
«Jahor zajmaŭsia pieravažna rasśledavańniem ekanamičnych złačynstvaŭ, a ŭ 2019-m praz emacyjnaje vyharańnie i peŭnyja niuansy zdaroŭja zvolniŭsia sa śledčych orhanaŭ. Varta adznačyć, što za čas słužby ŭ Śledčym kamitecie jon byŭ uznaharodžany vialikaj kolkaściu hramat, dypłomaŭ i padziakaŭ», — kaža brat.
Apošnim časam Jahor supracoŭničaŭ z kampanijaj, jakaja zajmajecca zboram i analizam źviestak spartyŭnaj haliny. Aktyŭna vyvučaŭ zamiežnyja movy, čytaŭ knihi na anhlijskaj. Płanavaŭ realizavać siabie ŭ IT.
«U SIZA Jahor čytaje šmat knih. Zaraz, naprykład, Sałžanicyna. Vyvučaje anhlijskuju movu. Na špacyrach zajmajecca sportam, nakolki heta mahčyma ŭ tych umovach, u jakich jon znachodzicca. Piša listy rodnym i siabram», — kažuć svajaki.
Jak Jahor aceńvaŭ padziei ŭ krainie?
«Jahor, jak były śledčy, byŭ aburany ŭzroŭniem hvałtu, jaki ŭžyvaŭsia da hramadzian u žniŭni 2020 jak padčas ich zatrymańniaŭ, tak i padčas nastupnaha ich utrymańnia ŭ IČU i CIP na Akreścina, a taksama adsutnaściu pravavoj acenki dziejańniaŭ supracoŭnikaŭ, z boku jakich byŭ hvałt. Padčas słužby Jahora da padazravanych pa kryminalnych spravach, jakija znachodzilisia ŭ jaho ŭ vytvorčaści, padčas zatrymańniaŭ nieabhruntavanaja fizičnaja siła nie ŭžyvałasia», — reziumuje brat.
Jahor prachodzić abvinavačanym pa «narodnym» art. 342 KK (Arhanizacyja ci ŭdzieł u dziejańniach, jakija parušajuć hramadski paradak).
Pisać listy možna pa adrasie: 220030, h. Minsk, vuł. Vaładarskaha, 2 (SIZA №1), Viaršyninu Jahoru Andrejeviču.
Ciapier čytajuć
«Muž syšoŭ ź Sipłym i Małym». Imavierna, pad Kramatorskam ukraincy adnym macham ubajdosili troch biełaruskich najomnikaŭ18
Kamientary