Śviatłana Aleksijevič: Mierkiel pierabolšvaje, kali ličyć, što na Łukašenku možna ŭpłyvać
Telefanavańnie vykanaŭcy abaviazkaŭ kanclera Niamieččyny Anhieły Mierkiel Alaksandru Łukašenku Radyjo Svaboda paprasiła prakamientavać piśmieńnicu, nobieleŭskuju łaŭreatku Śviatłanu Aleksijevič.
Na pačatku listapada jana razam jašče z tryma nobieleŭskimi łaŭreatkami pa litaratury — Elfryde Jelinek, Hiertaj Miuler i Volhaj Takarčuk — vystupiła z adkrytym listom nakont mihracyjnaha kryzisu.
«Jeŭrapiejski čałaviek hladzić na ŭsio zusim inakš, — kaža Śviatłana Aleksijevič. — My razam z tryma inšymi nobieleŭskimi łaŭreatkami napisali list. U im my adznačyli, što heta, zrazumieła, palityčnaja, hieapalityčnaja hulnia. Ale my chočam pahladzieć na heta z humanitarnaha punktu hledžańnia. U nas ličycca, što palitykam heta nieŭłaściva.
Ale Mierkiel pastaviłasia da hetaha mienavita z humanitarnaha punktu hledžańnia. Jana havaryła mienavita pra ludziej, a nie pra palityčnyja materyi. Jana nie źbirała nijakich palityčnych dyvidendaŭ z hetaj razmovy. Heta byŭ humanitarny paryŭ, i nie varta ŭkładać u heta niejki inšy sens.
Na jaje niekali zrabiŭ mocnaje ŭražańnie fotazdymak zahinułaha dziciaci, jaki ablacieŭ uvieś śviet. Ludzi pierajazdžali na łodkach, i chvala prybiła da bieraha miortvaje dzicia. Heta jaje ŭraziła. Tady Niamieččyna pryniała kala miljona ŭciekačoŭ. Tahačasny paryŭ Mierkiel nie ŭsia Niamieččyna pryniała. Ale jana ž dačka pastara. I dla jaje čałaviečaje vyšej. Inšaja sprava, što jana pierabolšvaje, kali ličyć, što na Łukašenku možna ŭpłyvać. Ja liču, što na jaho mohuć upłyvać tolki bolš žorstkija rečy».
U paniadziełak uviečary adbyłasia telefonnaja razmova Łukašenki z Anhiełaj Mierkiel, jakaja vykonvaje abaviazki kanclera Niamieččyny.
«Kancler i spadar Łukašenka havaryli pra składanuju situacyju na miažy Biełarusi ź Jeŭrasajuzam — asabliva pra nieabchodnaść humanitarnaj dapamohi dla ŭciekačoŭ i mihrantaŭ, jakija znachodziacca tam. Jany damovilisia praciahnuć abmien u hetych pytańniach», — paviedamiła pres-słužba Mierkiel.
Pavodle ahienctva BiełTA, razmova doŭžyłasia 50 chvilin.
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja7
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek44
Kamientary