Chrap — davoli raspaŭsiudžanaja źjava, i časta jon nie maje pad saboj ničoha drennaha. Jaho mohuć vyklikać, naprykład, prastuda ci alerhija, bo jany pryvodziać da błakiroŭki nasavych prachodaŭ. Ale chrap moža być simptomam vielmi niebiaśpiečnaha razładu — sindromu abstruktyŭnaha apnoe snu. Ludzi, što pakutujuć na jaho, mohuć padčas snu pierastavać dychać na 10 siekund ci navat bolš. Kali nie lačyć hety sindrom, pavyšajecca ryzyka hipiertanii, chvarob serca, cukrovaha dyjabietu 2 typu, depresii i navat zaŭčasnaj śmierci, piša CNN.
Jak zrazumieć, ci nie znachodziciesia vy ŭ ryzycy praz chrap? Voś asnoŭnyja prykmiety niebiaśpiečnaha simptomu.
Pačniom z taho, što važny sam charaktar chrapu. Kali razmova idzie pra duža hučny chrap, jaki možna čuć, naprykład, za zakrytymi dźviaryma, na taki simptom varta źviarnuć uvahu.
Jašče adna prykmieta abstruktyŭnaha apnoe — pavyšanaja stomlenaść i sanlivaść na praciahu dnia.
Časam abstruktyŭnaje apnoe robicca nastolki surjoznym, što jaho prykmiety zaŭvažajuć blizkija chvoraha čałavieka. Naprykład, jany nie tolki čujuć chrap, ale i bačać, što čałaviek pierastaje dychać padčas snu, kašlaje ci zadychajecca. Usio heta — pryčyny terminova źviarnucca da miedykaŭ.
Abstruktyŭnaje apnoe snu moža vyklikać hipiertaniju. Kožny raz, kali čałaviek pierstaje dychać na niekalki siekund, jaho niervovaja sistema ŭstupaje ŭ dziejańnie i pavyšaje kryviany cisk. U toj ža čas cieła čałavieka ŭ takich umovach vyrablaje harmony stresu katechałaminy, jakija taksama spryjajuć pavyšeńniu cisku praź niejki čas. Pavyšany cisk sam pa sabie nie źjaŭlajecca simptomam apnoe, ale ŭ kambinacyi ź inšymi prykmietami hetaha razładu jon dazvalaje zapadozryć apnoe.
Jak lišniaja vaha i poł upłyvajuć na chrap
Kab vyklučyć apnoe, treba taksama źviartać uvahu i na bolš stabilnyja charaktarystyki čałavieka, što pakutuje na chrap. Adna ź ich — indeks masy cieła. Kab jaho vyličyć, dzielać masu cieła ŭ kiłahramach na kvadrat rostu čałavieka ŭ mietrach.
Narmalnym ličycca indeks masy cieła ad 18,9 da 24,9. Ludzi z atłuścieńniem, u jakich indeks masy cieła vyšejšy za 30, časta majuć abstruktyŭnaje apnoe snu. Praź lišniuju vahu miakkija tkanki ich rota, jazyka i šyi cisnuć na dychalnyja šlachi, što častkova ich błakuje i nie daje čałavieku svabodna dychać biez chrapa.
Tonus muskułaŭ časta paharšajecca z uzrostam, pryčym heta datyčycca i muskułaŭ zadniaha padniabieńnia i šyi. Tamu, kali vam bolš za 50 hadoŭ, vy majecie pavyšanuju ryzyku zachvareć na abstruktyŭnaje apnoe.
Toje ž samaje datyčycca poła — u historyi z apnoe mužčyny znachodziacca ŭ bolšaj niebiaśpiecy. Mahčyma, heta źviazana z tym, što mužčyny zvyčajna majuć bolš toŭstyja jazyki, čym žančyny, a ŭ vierchnich častkach ich ciełaŭ, asabliva ŭ šyi, bolš tłušču. Adnak paśla mienapaŭzy žančyny pačynajuć čaściej chvareć na apnoe.
Jak ni dziŭna, ale akružnaść šyi taksama moža padkazać, ci źjaŭlajecca vaš chrap niebiaśpiečnym. Mužčyny z akružnaściu šyi, bolšaj za 43 santymietry, majuć pavyšanuju ryzyku abstruktyŭnaha apnoe snu. Dla žančyn adpaviednaja ličba składaje 40,6 santymietraŭ.
Jak spynić vypadzieńnie vałasoŭ paśla kavidu?
Kolki treba spać, kab źbierahčy mozh ad demiencyi
Ciapier čytajuć
Raptoŭna pamior Uładzimir Usier — niemałady aktyvist, jaki ŭlapaŭsia ŭ film BT i špijanaž u Polščy19
Kamientary