Vydańnie Deník N apublikavała padrabiaznaści zatrymańnia kiraŭnika biełaruskaha futboła ŭ Čechii. Uładzimir Bazanaŭ razam z žonkaj byŭ zatrymany, kali prylacieŭ razam z žanočaj zbornaj na hulniu.
Češskaja palicyja abvinavačvała čynoŭnika ŭ parušeńni supraćkavidnych pravił i zajaŭlała, što ŭ Bazanava nie było prava ŭjezdu na terytoryju krainy.
Bazanavy atrymali zahad pakinuć terytoryju Čechii da 1 śniežnia, a taksama im anulavali šenhienskija vizy, vydadzienyja inšaj krainaj.
Futbolnaja fiederacyja Čechii adchryściłasia ad situacyi, zajaviŭšy, što Bazanaŭ nie atrymlivaŭ zaprašeńnia ad aficyjnych asob.
Mahčyma, Bazanaŭ pryciahnuŭ uvahu češskich uładaŭ tym, što znachodzicca u sankcyjnym śpisie krain Bałtyi.
«Svaimi dziejańniami ludzi z hetaha śpisu saŭdzielničali ŭ arhanizacyi i padtrymcy falsifikacyj prezidenckich vybaraŭ 9 žniŭnia i padtrymlivali nastupnaje hvałtoŭnaje padaŭleńnie mirnych pratestaŭ i demanstracyj», — havorycca ŭ dakumiencie Ministerstva zamiežnych spraŭ Łatvii.
Bazanaŭ źjaŭlajecca kiraŭnikom Biełaruskaj fiederacyi futboła z 2019 hoda. Na pačatku 2010-ch jon uznačalvaŭ «Dynama-Brest». U 2020-m Bazanaŭ udzielničaŭ u viełaprabiehu ŭ padtrymku Łukašenki razam sa staršynioj Alimpijskaha kamiteta i ministram sportu.
Chto taki Uładzimir Bazanaŭ, jaki zamienić Rumasa ŭ Fiederacyi futboła?
U Čechii zatrymali kiraŭnika Biełaruskaj fiederacyi futboła Uładzimira Bazanava. Što viadoma na dadzieny momant?
Pieršaha namieśnika hiendyrektara «Biełviesta» pasadzili na try z pałovaj hady za palityku5
Pieršaha namieśnika hiendyrektara «Biełviesta» pasadzili na try z pałovaj hady za palityku
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca1717
Kamientary